عندك موقف مضحك او محرج او محزن او حتى مقلب تفضل رزه هون

[يحيى الأسيود]

هههههههههههههههه ,, موضوع حلـوو بقـول لكم موقف للحيني ذاكره ,, من خامس ابتدائي صآر معي


يقول الموقف سلمكم الله ,,

بالصف الخامس نقلت من مدرسه بعيده الا مدرسه قريبه للبيت ,, المهم مالكم بالطويـله

تهاوشنا انا وواحد بالمدرسـه ,, وخذنا المدير وجلدنا جلد غير عادي ,, لاكن ما اخفي عليكم انا صرعت الولد صرع


المهم طلعنا فسسحه ,, وجاني الا معه شله وقال لي اوريك بطلعه انا وخوياي والله لاغير نصرعك ,,,

يالليل وش ذا الورطه ,,,

المهم رجعنا من الفسحه ولا ادري وش اسوي ,, السادسه قربة والشباب متواعدين بي وش اسوي وش اسوي

الحصه الخامسه هي فرصتي ..

المهم واقوم واطيح نفسي طيحه قويه ... ويشيلني المدرس مع الطلاب ويودوني للمدير ,, انا مابي شيء بس اتميرض على شان يطلعني المدير

المهم طلعني وافلها واطلع ,,

يومي طلعت باب المدرسه ,, ويخطر على بالي شيء .. قلت الحين لو اجي البيت اكيد ابوي يقول منحاش من المدرسه ويصرعني صرع ,, الله يرحمه كااان عصبي حيـل

قلت وش اسووي

مابقى قدامي الا حدى هلحلين ,, يا صرعت ابووي يشبااب

اخترت صرعت اشباب لانها تهون عن صرعت ابوي الله يرحمه ههههههههه

طلعو الطلاب ويجوني الشباب ويسطروني تسطير ,, ههههههههه ويشققون ملابسي

وارجع للبيت ويشوفني ابوي منتف تنتيف ,, قال صارعينك يا الدجاجه ويقوم ويكمل علي

صارت تسطيرتين براسي ,, ههههههههههههههههههههههه

والحمد لله على كل حال