& طريق ٍ لأينتهـئ &

هذى ابيات مداعبه بيني وبين عبدالله الفرهود الله يذكره بالخير,,
رحت انا وياه للدوحه قبل فتره وفي طريق العوده قال غن ياخالد والا عطنا قصيد,,
قلت أجل اسستلم,,
وتراني اقصد في البيبان شطحات على عبدالله ,,
والا هل الدوحه يمين الله وافين وأهل عز ولاهوب انا الي يشهد لهم,,

من عقب جينا من الدوحه=سلام ياطرقة المسرا
لقيت بيبان مفتوحه=ماهيب زينه ولاقشرا

قال عبدالله ,,

من عقب قلبك فقد نوحه=يامرحبا بليلة القمرا
مني وانا راعي الصوحه=لابد ماناخذ البشرا

قلت له,,

ياطول صبرك على بوحه=بالله من وين هالصبرا
كلن مشى حسب مصلوحه=وأنته تثنيت فالغبرا

قال وهو يضحك ,,

أوضاع وأوضاع مشروحه=لكن بالعين ماتقرا
بالهون نورك بدا ضوحه=واشيل بلوه فالهدرا

قلت له,,

لابدن ولاهيب مسموحه=إجنازة ٍ خارج القبرا
صمت الشقاوي على روحه=في زود جرحه ولايبرا

قال ,,

الحر لاقاموا اطروحه=عليك من صوبهم جبرا
صمت البنادم وطاروحه=ياليت تنفعهم العبرا

وسسسسسسلامتكم.