الا ياهل الغرام الضحك وينه والسعـاده ويـن

[فزاع المرشدي]

قصيده لـ نجل شاعر الوطــــن

الشاعر النقيب : فيصل بن خلف بن هذال العتيبي




[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الا ياهل الغرام الضحك وينه والسعـاده ويـن =عسى الله يقطـع الفرقـا وساعتهـا وطرياهـا

احس بوسط قلبي جرح يشبه طعنـت السكيـن=واحس بوسط كبدي جمرتـ(ن) تحـرق ثناياهـا

واحس بداخلي ضيقه غريبه كملت يوميـن=واحس ان الزمن كشر بنابـه يـوم فرقاهـا

وانا لوني شكيت الي بقلبـي للجبـال تليـن=وانا لـوني شكيتـه للسحايـب نثـّرت ماهـا

ترى ماهمني حمل المحبـه لـو غـدى حمليـن =انـا قـد الحمـول الجايـرات وقـد بلـواهـا

ولو راحت ضلوعي من سبب حمل الغرام طحين =انا مثـل الجبـال الراسيـه ما اهتـز مرساهـا

صبور ولو يبور الوقت فينـي والزمـان يشيـن=حرام اني لأصون اسرار قلبي داخـل اخفاهـا

عليّه نذر برقبتي ومنـي حلـف معـه يميـن=لموت ولادرو مـن ويـن ديرتهـا ومنشاهـا

ابكتم سرها في وسط قلبـي ولويطـول البيـن=وبحفظها عن العـدوان والصدقـان واحماهـا

غلاها بالضمير وقدرها الغالي بوسط العيـن=وانا لولا غلاهـا ماجفيـت الخلـق لرضاهـا

تحملت الجروح ولوعة الفرقـا وبعـد الزيـن =احـن لشوفهـا واحـزن لطاريهـا وذكراهـا

عليه اللوم من شرقـي وطنـا للحـدود الصيـن=عسـى الله مايواخذهـا بغلطتـهـا ويجـزاهـا

ابا اصبر وأتجمـل واتحمـل فالقسـى والليـن =واقول الله يوفقهـا عـدد ماسـارت اخطاهـا

انا ليه اتبع المقفين واشحـذ رحمـة المقفيـن=وانا من روس قومـ(ن) تستـر الخلـه وترفاهـا

رجال(ن) يخدمون ويحتمون وينصـرون الديـن=على درب الهدى والخيـر والفزعـات ممشاهـا

هم اللي يطعمون ويرحمـون العاجـز المسكيـن=لهم سيره قديمه من جهـل بالعـرف يقراهـا

وعلى سود الليالـي والمحبـه والفـرااق الشيـن=دعيت الله يعين ويكشـف الضيقـه ويجلاهـا
[/poem]





0

 

 

 

 

 

 

 

 

[سحابة الطائف]

وعلى سـود الليالـي والمحبـه والفـرااق الشيـن ’’’’’دعيـت الله يعيـن ويكـشـف الضيـقـه ويجـلاهـا
اللهم آمييييييييييييييين
صباح الشعر فزاع سلمت يمينك على هذا الأختيار الأكثر من راااائع

[غصة حزن]

‏ ذوق راقي . . . تسلم اخوي
راق لي اختيارك

[فزاع المرشدي]

اقتباس:
المشاركة الأصلية كتبت بواسطة سحابة الطائف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وعلى سـود الليالـي والمحبـه والفـرااق الشيـن ’’’’’دعيـت الله يعيـن ويكـشـف الضيـقـه ويجـلاهـا
اللهم آمييييييييييييييين
صباح الشعر فزاع سلمت يمينك على هذا الأختيار الأكثر من راااائع




صباحك مشرق مثل حضورك ياسحابه

والله يسلمك ويعافيك الرائع مرورك لاعدمتك



0

[فزاع المرشدي]

اقتباس:
المشاركة الأصلية كتبت بواسطة غصة حزن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
‏ ذوق راقي . . . تسلم اخوي
راق لي اختيارك




ياهلا ومرحبا مليون ياغصه

الله يسلمك ويبعد عنك الحزن

هذا من ذوقك طال عمرك

[روعة الاحساس]

انــا لـيـه اتـبـع المقفـيـن واشـحـذ رحـمـة المقفـيـن

وانــا مــن روس قــوم(ن) تسـتـر الخـلـه وتـرفـاهـا

صح السان الشاعر وسلمت يد الناقل مبدع فزااع لاحرمنا جديدك وتواجدك

[ولد نجد]

صح لسان الشاعر
وسلمت يمينك اخوي
تحياتي واحترامي

[فزاع المرشدي]

اقتباس:
المشاركة الأصلية كتبت بواسطة روعة الاحساس [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

انــا لـيـه اتـبـع المقفـيـن واشـحـذ رحـمـة المقفـيـن

وانــا مــن روس قــوم(ن) تسـتـر الخـلـه وتـرفـاهـا

صح السان الشاعر وسلمت يد الناقل مبدع فزااع لاحرمنا جديدك وتواجدك

الله يسلمك ويعافيك ياروعه

شرفني مرورك لاعدمتك

[فزاع المرشدي]

اقتباس:
المشاركة الأصلية كتبت بواسطة ولد نجد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسان الشاعر
وسلمت يمينك اخوي
تحياتي واحترامي




الله يسلمك ويعافيك نورت يالغالي لاعدمتك

[امنيات]

صح لسان الشاعر
أحسنت خوي // سلمت يمناك
لا عدمنا وجودك و دُمت بصحة و عافية
لك إحترامي ,,