ماتت مشاعر حب بالامس وجدان

[سالم الرواحي]

تدري عجدت العزم اجدم تعازيك
ماتت مشاعر حب بالامس وجدان

ويحسن الله عزاك ف حب مغليك
قلتلك ترا لك يوم بتعيش ندمان

وانسى ليالي الانس لي كانت تسليك
جد مات حباً انت به كنت هيمان

وجفت عروج الشوق لي بالحب ترويك
وحتى جثمان حبك لفت بالاكفان

شيع جنازت حب من كان هاويك
وستقبل وفود الهم فلان وفلان

ونسا وداد لي دايم الدوم يبغيك
لكن لا تفرح مات حبك من زمان

حتى جبر الحب جد عاف طاريك
بس لحظه قبل لا تكون زعلان

كان جدرك فوج عندي محد يساويك
واليوم يعلك من الهم والضيج بركان

تذكر ليالي الحب كان طيبي لي يحليك
وبشعري عديتك ملاك تسحر بالاعيان

مدري غروراً منك او حداً يداهيك
لكن حسافة حب تطويها الازمان

خذت من الزمن عبره حين كنت شاريك
واليوم ابيعك فرقى بخس الاثمان

تدري اني كرهتك وما عدت ابغيك
وادري اني نسيتك وما عدت ندمان

اتبع طريجك ذاك محدٍ يسليك
ماتت مشاعر حب بالامس وجدان


ومع من هويت عسى ربي يهنيك
ولكن السموحه ما اسامحك يافلان

 

 

 

 

 

 

 

 

[فرح الشهري]

القصيده رووعه بس انت شكلك كويتي عشان كذا بعض الكلمات مافهمتها المووووهم لاني احب الكوويت بعطيكـ اطلق تقييم من السعوديه للكويت <عوافي

[مشاري القحطاني]

رائعه يا سالم صح لسانك

[سالم الرواحي]

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
القصيده رووعه بس انت شكلك كويتي عشان كذا بعض الكلمات مافهمتها المووووهم لاني احب الكوويت بعطيكـ اطلق تقييم من السعوديه للكويت <عوافي


مرورك الاروع فرح وانا عماني مب كويتي وكلنا اخوه.. تسلمي

[سالم الرواحي]

اقتباس:
المشاركة الأصلية كتبت بواسطة مشاري القحطاني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
رائعه يا سالم صح لسانك


مشاركتك الاروع صح بدنك اخي مشاري

[غصة حزن]

صح لسانك اخوي
ابيات رائعة... استمر
ولاتحرمنا ابداعك

[سالم الرواحي]

اقتباس:
المشاركة الأصلية كتبت بواسطة غصة حزن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك اخوي
ابيات رائعة... استمر
ولاتحرمنا ابداعك



صح بدنك مرورك الاروع...
تواجدكم الابداع.