نظرة العشق

[رشيد]

الله واكبر ما حلى نظرة العشق
اللي تجي ما بين عاشق ومعشوق
.
نظرة غلى تشلع كما لمعة البرق
وسمومها تسطي على كل معلوق
.
بالخص لاصار النظر بينهم سرق
والعشق توه ما درى فيه مخلوق
.
تذبل غصوناً بالثرى مالها عرق
ولا نتعش قلبٍ بلا دم وعروق
.
وانتي حرقتي خافقي بالهوى حرق
شلون ابحيا وخافقي منك محروق
.
ياللي جمالك عن جميع البشر فرق
بالشكل والمبدى والاحساس والذوق
.
سر ياجنوني في خيال الهوى وارق
طالع خيال اللي يهيمون من فوق
.
طب الكواكب كلها بالسما وانق
وابعد عن اللي بين الأقدام مدقوق
.
للنادر المجمول والرايق اللبق
اللي به احساسي مشبق ومشبوق
.
ملمومة الحدين ممشوقة العنق
واللي بقى ما بين مثني ومطلوق
.
رف الخفوق لجيّته رفّة الورق
جاني وانا قبله كذا جابني شوق
.
ماشفت مثله لا شمالاً ولا شرق
مالاح بعيوني من الطرف للموق
.
نفذتلك امرين نسخ ومعه لصق
واصبحت ما بين الشرايين ملصوق
.
بالمختصر يعني كذا آخر العشق
مع احترامي لكل عاشق ومعشوق




.


شعر : فايز الخشيف


.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[فرح الشهري]

صح لسان الشاعر فايز ويعطيـــــــــكـ الف عافيه على النقل الاكثر من رائع

[ريف الصبا]

صح لسان الشاعر وربي يعطيك العافيه وجعل روحك سالمه

[رشيد]

شاكر لكم وممنون

[عبدالله سعود المتعب]

لاهنت اخوي على نقل هالنص الاكثر من رائع

واحييك على اختيارك وصح لسانه وصح نقلك

[رشيد]

اقتباس المشاركة الأصلية كتبت بواسطة عبدالله سعود المتعب لاهنت اخوي على نقل هالنص الاكثر من رائع واحييك على اختيارك وصح لسانه وصح نقلك

يا ابو سعود

[ولد نجد]

صح لسان الشاعر
وسلمت يمينك
تحياتي وتقديري