والد الأعلامي بتال القوس يتكلم عن مرض أبنه الأكبر بقصيده مؤلمه

[فزاع المرشدي]

بسم الله الرحمن الرحيم

هذه القصيدة للشاعر الشيخ : ساير بن دغيليب القوس المرشدي العتيبي

والد الأعلامي المعروف بتــــــــال بن ساير القـــــــــوس المرشدي


يتكلم فيها عن ابنه الأكبر شلال بن ساير القوس

وعن مرضه الذي يلازمة من ذو 22 سنة اسأل الله ان يمن عليه بالشفاء العاجل

,,,,,,,,,,,,,

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أيــام يــاشــلال شهــبٍ شواحــيف = من حلـوها تأخــذ ومــرٍ تذوقــه
البارحة نومي علــى حـافة الحِيــف = والجفن ماطبق على النــوم موقــه
يلف قـلــبي مثل حــد المـراهيــف = من كثـــر مابه مـاتـرقع فتــوقــه
يبست رياضـه والضمايــر مواجــيف = من لاهبٍ حامي هبــوبه تســوقه
همٍ يلح القلـــب بالعنـــف تعنيــف = لــح الركـاب اللي يدينه تعوقــه
مع درب شيـخٍ عاديــاتٍ مــناكيــف = قبل طلوع الفجر يبدي شعــوقـه
يــاالله يـامنشـــي مـــزونٍ مقانيــف = منشي السحاب اللي تلاعج بروقه
تشفي مريضٍ طال شكــواه ومخيــف = الجسم نــافد مابقــى إلا عــروقه
راح اللحم وعظــام جسمه مناحيــف = غارت عيــونٍ للمراجــل شبــوقه
نحف كما جذعٍ نحف عوده الهيــف = عقب الثمر يبست سـنابل عـذوقه
جيت الطبيب وسلت عن حالته كيف = واخــبر بحاله والظــروف معزوقه
واطلب رضا الله وأحسن الظن ماعيف = ولا به صعــيب إلا يد الله فــوقه
حــرٍ عرضــله في طــلوعه صواديــف = من عين رمايٍ عيــونه شـــــفوقه
حــرٍ بــراســه لسطــارة زعانــيــف = يوم استوى طلعه وفكت سبــوقـه
عسى عيونٍ شرها بالحســد شيـــف = تنعاق بالأسـباب قبـــل تعوقـــه
تقصف عساها لـلسيــوف القواصيف = تقطع جذور أسبــابها من عمــوقه
الأمر للي صرف الكــون تصــريـــف = والعبد له في قـدرته حــد طوقــــه
دنــيا شقـــية في كدرهــا تكاليـــف = تضحك لصاحــبها ويومٍ تبــوقــه
كم فرقت من جمع شـمل المواليــف = وتزهق نفوسٍ من كــدرها زهوقـــه
همٍ يِلهف مهجة القـــلب تلهـــيف =في صم جدران الضماير شقـــوقــه
غلف على كثر الهواجيس تغـلــيف = بيبان قلبي والضمـاير طـــروقــــه
أصبر وأصابر لو بقلبي كما اللـــيف = اصبر لصـكات الزمــان الصـفوقـــه

[/poem]


و ســــــلامتكم .....



.

 

 

 

 

 

 

 

 

[فرح الشهري]

صح لسانه واعتلى شانه رووووووووووعه قسم امانه يافزاع توصل سلامي لبتال وتقووووووله اني من جمهوره ههههههههههههههه<طناخه هههههههههههههه

[ريف الصبا]

صح لسان الشاعر يلي ابدع وعوااااااااااااافي ي فزاع ع ذا النقل الرائع تسلم