ماعاد عندي يامحمد جدايد .. الهم يأبن العم طاغي وكاميه ..

[سنيد القعياني]

السلام عليكم ورحمة الله وبركاته ..





هذهـ القصيدهـ موجهه لأخوي محمد بداي وعسى عيدهـ مبارك ولو انها متأخرهـ ..











مــاعـــاد عــنــدي يامحمــد جـدايـد
............ الهــم يأبـن العــم طـاغــي وكـاميــه
لو شفتني اضحك واسولف واعايد
............ مرت سنينن والفـرح ما لجـى فيـه
ولاَ لـطــــوع لــك جــديـد الـفــرايـد
............ مـن عـنًـدنـا مـثـلك نــوده ونغـلـيــه
لـكـن اببــقــى يــارفـيـقـي مـحـايـــد
............ والشعــر يامشـكـاي مـاعـاد لي فيه









وسسسلامتكم

 

 

 

 

 

 

 

 

توقيع : سنيد القعياني

ماإن ندمت على السكوت مرة , ولكني ندمت على الكلام مرارا !!

[عامر صالح ال شنيف]

ابو متعب صح الله السانك وعتلا شانك
والله انك شاعر نفتخر في قصيدة جعلك سالم وغانم

[محمد بداي]

وعليك السلام والرحمه

ومن العايدين الفايزين شوفتك عيد طال عمرك






[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مرحبا ترحيبة عيال زايد=شبلٍ على الترحيب عوده مربيه
عاداتنا للي يعرف العوايد=ومثلك عسى الله يالمطاري يحييه
شوفتك ومجاراتك اكبر فوايد=والسد ما يبدا على غار راعيه
وعساك ذخرٍ لليال الشدايد=والشعر ماهو مال ومتجارٍ فيه
لو إن شعر اليوم جله هبايد=وسوقٍ هفا مابين بايع وشاريه
الكبد والمعلوق يا سنيد جايد=كانك على الصالي تمله وتشويه
[/poem]







محمد بداي





..

[فرح الشهري]

صح لسانكـ وصح لسان محمد بداي المبدع شعراء مميزين الله يوفقكم يارب في مسيرتكم الشعريه قصائد رائععععععععه جدا بيض الله وجوهكم ولاهنتم

[خالد العبيريد]

وعليكم السلام ورحمة الله وبركاته ,,

حياك الله ياسنيد وحي الله محمد ,,

صح الله السنتكم وقلوبكم ابيات تعالج موضوع ورد يشفي القلب ماشاء الله عليكم ,,

تحياتي لكم يالمبدعين ووافر احترامي .

[فارس الجهيمان]

صح لسانك ياسنيد

وابيات شاعر لاريب بذلك

وعاد عيدك وطابت لياليك

[الماسـه]

ماشاء الله . صح لسانك سنيد
ابيات قمه فالجمال
الله يحفظك يارب

[ام راكان]

صـــــــــح ألسانكم جميعاا ... وبيض الله وجيهكمـ

[سنيد القعياني]

عامر ال شنيف

صح بدنك وتبقالي ذخر ..

[سنيد القعياني]

اخوي محمد بداي ي مرحبا بالجمل وبما حمل


صح لسانك كفيت ووفيت ي بعدي


وتعال علينا جاي اقناد وفنجال براد على مهب البراد


تحياتي لك ..