دعــوة زواج

[رشيد]

.


ياوجد حالي وجد من طاح مجروح
جرحٍ على الدكتور يصعب علاجه

.

والا وجود اللي على الحد مطروح
فاصعب قضيه صعب منها خراجه

.

أو وجد عودٍٍ يذرف الدمع وينوح
قفوا عياله عنه في وقت حاجه

.

على الذي من دونه جبال وصروح
ولاظنتي به يوم فيه انتواجه

.

من عقب ماكنا سواليف ومزوح
وقلوبنا فيها غلى واندماجه

.

أجيه يوم الوضع عادي ومسموح
يروي ظما قلبي ويشفي إخلاجه

.

أبو جبينٍٍ فالدجى كنه الضوح
في ليلي المظلم ينور سراجه

.

واليا ضحك ضحكٍٍ من الروح للروح
ياسرع ليلي يوم يضحك حجاجه

.

ماكنت احسب انه يجي يوم ويروح
لين استلمت اليوم دعوة زواجه

.

هذا النصيب اللي كتبلي على اللوح
راضي بمقسومي ولابغى إحراجه



...


اسم القصيده وقائلها :
" دعوة زواج "

للــشــاعـر

نشمي بن مقعد العتيبي


..

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[حمد الدوسري]

ياعزتي له عزاااه
لعنبو لايمه تكفى يارشيد


صح لسانك ولسان قايلها قصيده روووووعه

[عامر صالح ال شنيف]

تسلم يا رشيد

[شـمـآلـي]

ياوجد حالي وجد من طاح مجروح
جرحٍ على الدكتور يصعب علاجه
ونشهد صح السانه
وفعلن الليمه حيلات
مشكور على نقل القصيده يكتلوني

[أهات الجروح]

رووووووووووووعه ويعطيك العافيه ياعسل برفوه ولك مروري

[فرح الشهري]

ماكنت احسب انه يجيء يوم ويروح

لين استلمت اليوم دعوة زواجــــــــه
صح لساااااااااااااااااااااااااااااااانه مليووووووووون قسم في الصميم <عوافي على النقل

[رشيد]

اقتباس المشاركة الأصلية كتبت بواسطة حمد الدوسري ياعزتي له عزاااه لعنبو لايمه تكفى يارشيد صح لسانك ولسان قايلها قصيده روووووعه

شاكر لك وممنون ياحمد

[رشيد]

اقتباس المشاركة الأصلية كتبت بواسطة عامر صالح ال شنيف تسلم يا رشيد

يسلمك ربي ياعمر

[رشيد]

اقتباس المشاركة الأصلية كتبت بواسطة شـمـآلـي ياوجد حالي وجد من طاح مجروح جرحٍ على الدكتور يصعب علاجه ونشهد صح السانه وفعلن الليمه حيلات مشكور على نقل القصيده يكتلوني

يسلموووو يابرشلوني