(( مـشـــكــلــه ))

[الودعااني]

مشكله لاصار فـي القلـب شخصيـن
شخصاً يحبك موت والثانـي اعجـاب

أللي يحبـك يحفظـك داخـل العيـن
وللي علي قولـك للأعجـاب كـذاب

يكذب بداعي الحـب وانتـي تعرفيـن
يقضي معك وطره اذا صاحبه غـاب

وانا ما نيـب احـب طـرد المقفيـن
ومن صد عني قلت له اغصب البـاب

قد قلت لـك كلمـه وانتـي تخبريـن
مكانـك بعينـي تغطيـك الاهــداب

لاكن مدام انـك مـع الغيـر تمشيـن
غرك بضحكاته وجوك معـه طـاب

لين شفتـي منـه مـا تكـره العيـن
وعرفتي انه شخـص خايـن ولعّـاب

جيتي تبين اللي مضاء يرجع اللحيـن
مكانك اللي للهجـر جـاب الاسبـاب

اقولـك يـا بنـت والله ان تبطـيـن
ما ضمت حروف القصايد لك كتـاب

ولا اكتب اْلحضرتك لو كـان بيتيـن
ولا انقش احروف القصايد لك اخضاب

روحي ومثل سعـود صعبـه تلاقيـن
وانا بـدل الاحبـاب بلقالـي احبـاب



الشاعر : سعود ال شافي

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[روابي]

صح لسسان الشاعر

وتسسلم على النقل

[فرح الشهري]

أللي يحبـك يحفظـك داخـل العيـن
وللي علي قولـك للأعجـاب كـذاب

روعه يالودعاننننننننننني صح لسان الشاعر ويعطيكـ العافيه على النقل الرائع

[الفلوه]

الودعااني..تسلم والله أخي القدير لاتعودنا الي علي جميل ماتنتقية لنا
اعتلا شانك خيي وشان الشاعر سعودآل شافي لقلبك الوردوتمنياتي لك بالتوفيق