(( الهــــــواء الشرقي !! ))

[الودعااني]

ذعذع الشرقي عـــصــــيــــر ودارت المحاله
وأرزمت بين الضلوع وحــنــت المقهورة

وانتعش قــــلـــب المحب اللي على نقاله
يرتجئ فزعة ولي العرش ثـــــم دكتورة

مـــــرحــبــــا والله بذبذبت الغلا وارساله
كني اسمع فيه صــــــــــــــوت وكني المح صورة

موجة ارساله تمثنت مركز استقباله
وهزت اشواق الزعيم بداخل المقصورة

في ثواني هب شرقي الهوا واشتاله
وقامت اشواقه تشوته مثل شــــــوت الكورة

وانتحى تال العشي قدمه يسوق اظلاله
طافحا ً شوقه وصبرة نافدا ً مذخورة

امتلا صدري غلا من جاله ليا جاله
كن من بين الضلوع من الغلا نافورة

اثر راع الحب لو حاول يوسع باله
لارتفع ضغط الغلا ماهوب فــــي مقدورة

لاتذكرت الحبيب اللي غلاه لحاله
خيلت بالدمع عيني وانبهل مصرورة

ليت ذعذاع الهوا دايم على هالحاله
كل يـــــوم يهب شرقي معه صوت وصورة



الشاعر : محمد بن عون

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[شـمـآلـي]

لاتذكرت الحبيب اللي غلاه لحاله
خيلت بالدمع عيني وانبهل مصرورة
ونشهد والله صح اللسانك والله

[الودعااني]

اقتباس:
المشاركة الأصلية كتبت بواسطة شـمـآلـي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لاتذكرت الحبيب اللي غلاه لحاله
خيلت بالدمع عيني وانبهل مصرورة
ونشهد والله صح اللسانك والله

شمالي صح بدنك لاهنت فديتك مرور غالي يالغالي اشكرك ,,

[الفلوه]

الودعاني ...لاهنت خيي وتقديري لك دمت ودام ابداعك وجمال مقتطفاتك
اتمني لك التوفيق