ღ乂 يا معلق ورودك على الصدر قدام ღ乂

[الودعااني]

يا معلق ورودك على الصدر قدام
حصاد وردك شوكةٍ واغرست بي

غرس السنين الغبر بعيون الايتام
اللي سقت ريضانها واجدبت بي

خليتني عايش معك بس هندام
تصد ودموع الملام انتحت بي

والله ماكنك على ديـــــن الاسلام
بجروحك اللي ون غفيت انزفت بي

يالظلمه اللي ماكست حاف الاقدام
اللي كستني شمت يوم اضحكت بي

اقف ويطيح من الشجر غصن الاحلام
بوردوك اللي يـــــوم طحت انتخت بي

وفزعت انشّد عبرةٍ في ثــــرى العام
يوم انت مقفي والسنين اغدرت بي

مـــــــدري عليك اللوم ولا للايام
ولا وداعــــــك جمرةٍ ماطفت بي

راحت بي النخوه ونا اقول قدام
والقلب لو هو حي ماحركت بي

هالهاجس اللي ينتثر كل ماهام
اللي التفت بك ليه مايلتفت بي

لاقلت هذا مهجعي قال ياغلام
اعيش واطــــا جمرةٍ مادرت بي

ولاكني الا دفترٍ مـــــــل الاقلام
وكل الزوايا سولفت وش قرت بي

تقرا قصيدة طحت ياغصن الاحلام
احلام ماتت والغصون ارتــــوت بي

بالظلمة اللي ماكست حاف الاقدام
اللي حكت لايامها وش لقت بـــــي

الشاعر : مشعل بن جريد

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه

[مشاري القحطاني]

حلوة الأبيات تسلم

[الفلوه]

الودعااني...سلمت ودمت بسعادة ايها القدير ابيات جميلة كلك ذوق انت مميزمساءك فل وريحان

[الودعااني]

اقتباس:
المشاركة الأصلية كتبت بواسطة قرص بنادول [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
حلوة الأبيات تسلم

قرص بندول يسلمك ربي مرورك احلى لاهنت ,,

[الودعااني]

اقتباس:
المشاركة الأصلية كتبت بواسطة الفلوه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الودعااني...سلمت ودمت بسعادة ايها القدير ابيات جميلة كلك ذوق انت مميزمساءك فل وريحان

الفلوه الله يسلم قلبك وروحك احرجتيني اطراء غالي ومن غاليه اشكرك ,,