من بعد فرقى الوليف

[ناصر بن حسين]

[poem=font="simplified arabic,6,black,normal,normal" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
من بعد فرقى الوليف اجر موالي=مثل الحمام الذي تتساجع لحونه

لا من ذكرته يكدرني وانا سالي=وان جيت ابا انساه قلبي ضاع بعيونه

غالي علي والهوى اللي مر به غالي=اغليه والروح في ذكراه مسجونه

عليت له في فوادي منزل عالي=ما غير حبي وتقديري يمرونه

اسقيه من كاس ودي سكرٍ حالي=واتجرع المر يوم اغني بدونه

فكري وقلبي وهاجوسي معى حالي=تمشي معه والهوى له ترخي متونه

يا حيف يا حيف كيف يطيع عذالي=والروح بامره وتحت ايديه مرهونه

في كل شارع سنا خده يورا لي=واشوف برق المخيل ان بانت سنونه

واليوم ما عاد غير اقاف بالاطلالي=وامر درب الوصال بروح مطعونه
[/poem]

 

 

 

 

 

 

 

 

[بدر الشدادي]

صح السانك ياناصر مدد
تحيتي لك

[ناصر بن حسين]

صح بدنك يالشدادي ولاهنت على المرور الراقي

تقبل تحياتي

[خالد العبيريد]

فكري وقلبي وهاجوسي معى حالي=تمشي معه والهوى له ترخي متونه
يا حيف يا حيف كيف يطيع عذالي=والروح بامره وتحت ايديه مرهونه

الله عليك ياناصر نص فاق الجزاله والابدااع والله يعلم ماشاء الله تبارك الله ,,

حياك الله يالجزل ,,

صح الله لساانك وصح قلبك وكلك ولاهنت شاعر جزل ولك بصمه فريده في مجال الشعر ,,

كل تقديري وشكري لك ووافر احتراامي ياغالي .

[ناصر بن حسين]

الاخ العزيز خالد العبيريد

الله يعطيك العافيه على المرور الجميل والاقباس ولا هنت على الاطراء

وصح بدنك يا القرم وتسلم على كل حرف تقبل تحياتي وخالص تقديري

[عاليه]

صح السانك حتى ترضى شاعر مبدع ..
واحساس رائع بالقصيده

لله درك اطربتني شعر

لروحك العذبه شذى ورودي

تقييييمي

[ناصر بن حسين]

عاليه صح بدنش وتسلمين على هذا الاطراء

والله يعطيش الف عافيه على المرور المتواصل

تحياتي وخالص تقديري

[عبدالله السفياني]

صح لسانك مبدع كما عوتنا

[ناصر بن حسين]

عبد الله السفياني صح بدنك

ولا هنت على المرور الجميل والرائع

تقبل تحياتي وخالص تقديري