دَيوآنيّة ][ أَهلاً رمضآنْ ][ الأدَبيّهْ

رد: دَيوآنيّة ][ أَهلاً رمضآنْ ][ الأدَبيّهْ

الله أمر ، والله كتب ، والخير بالشهر الفضيل
من مقدم ، هلال الكريم ، النفس طاب سرورها


الله مآ أجمل ليلتن ، مآ هي بتشبه .. كل ليل
في ليلتن ,, بالرحمه ,, وبالدين ..يبدي نورها


تزودو ياهل القلوب الواعيه باجمل حصيل
روح التنافس بيننآ هاليوم تعلن دورها

مبدا هلال وهلة افراح العرب بأمر الجليل
يالله عفوك فالحياه الي بدا ديجورها

العتق والغفران والرحمه وهبناها الجليل
وابليس واتباعه تصفد في فضيل شهورها


يالله لك الحمد الكثير يالله لك الشكر الجزيل
دام الفرح دام إلهنا والناس من ميسورها

ويالله حنا في رجاك وعن دروبك مانحيل
تفزع لمن تحفر لجل وجهك تراب قبورهاا

يامنزل القران والتوراه ما تدعى بخيل
تدمر أعدآء نوت الاسلام وسط جحورها

الشام اكثر من سنه عن الهدى لا ماتميل
أمه على الحق اهتدت وانت الولي منصورها

أمه لها صوله وجوله في وجيه المستحيل
وهذا شهر نصراً جرى فحساسها وشعورها

يا الله يسرها وهون شدة اليوم المهيل
ما دام فيه اقوام عنا حاجبات جسورها

واكتب لنا في شهرنا اجر التراتيل...
ترفع موازين العمل.ويزيد أجورها..

المصدر: الملتقى الجماهيري للشاعر محمد بن فطيس المري