( اشبعتني من غيبتك وارويتني حزن وسهر )

اقتباس:
المشاركة الأصلية كتبت بواسطة عاليه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ياليل جيت وفي مجيك هاجس القلب احتدم
ـــــــــــــــــــــــــــ الهاجس اللي في قدومك للمجاريح اشتهر

غزيتني وانا صويب ٍ في وطن حبه خدم
ـــــــــــــــــــــــــــ وضحيت بي لكن تعلمت ودرست من الدهر

ان الهوى ناقص قلوب ٍ وافيه كذب وندم
ــــــــــــــــــــــــــــ وان الوفاء عند اليدين القاصره حزن وقهر

وانا عساني يا حبيبي من وجودك ما عدم
ــــــــــــــــــــــــــ اشبعتني من غيبتك وارويتني حزن وسهر

بنيت بك حلم على سطح الاماني وانهدم
ـــــــــــــــــــــــــــ انهد في لمح البصر وبنايته في كم شهر

يا وجد حالي وجد منهو بالمقادير اصتدم
ـــــــــــــــــــــــــــــ وضاقت به الدنيا وهو ماله حزام ولا ظهر

امسى على ضحك ٍ من امه لكن الصبح انصدم
ــــــــــــــــــــــــــــــ توفت امه وانطعن فالكبد والقلب انصهر

وقعد يون من الالم ما عاد سار به القدم
ـــــــــــــــــــــــــــــــ يكتم ونينه وان تذكر ضحكها لجله جهر

عليك ياللي رغم بعدك في خفوقي لك خدم
ـــــــــــــــــــــــــــــ وان جابك الطاري لقلبي فاح ريحان وزهر

محبتك ماهي جديده في حياتي من قدم
ــــــــــــــــــــــــــــ دفعت فيها راحتي ورقاد عيني لك مهر

وغديت مثل اللي على ربه من الدنيا قدم
ــــــــــــــــــــــــــ والا صويب ٍ طعنته فالصدر والا فالظهر

اسرفت في حالي عساني من وجودك ما عدم
ـــــــــــــــــــــــــــ حتى لو ان حبك مكلفني وملحقني سهر

اعتبر هالقصيده من قبل ذوق عاليه
الأولى وبجدار وصلت الى مكامن الروح

اخوي محمد ارفع لك راية الشعر..
وارفع لك راية الاحساس الصادق..
وارفع لك راية الفخامه في نصوصك ..
لله درك ارويتني شعر وعذوبه واحساااس

لاتبطي علينا فورب البيت اانا
نحتاج مثل هذي النصوص الراقيه
تقيييمي بعد عودته...
لروحك العذبه شذى ورودي




شهاده عزيزه على قلبي يا عاليه وافتخر بها كونها صادره من منبع رقي وابداع

وركيزه من ركائز هذا الصرح الشامخ

صح الله بدنش وجمل الله حالش وادام الله حضورش الجميل