* تدري وش اللي يتعب البنت ياخوي...؟!

[حلم~]

رجــلٍ يخـــون اشواقـهـا و الـمــودة


إللي إلا احتـاج الغـلا صـار نمـرود
ولـيـــا شبـع ممـا عـطـاه إسـتـرده


البنت ريحانة غـلا ... ناعمـة عـود
تبــي لهـا رجــلٍ ورث طيــب جـــده


رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!


رجـلٍ إلا جـتـه الليـالـي بمنـقـود
يتكــى لهـا مــا بيـح الوقـت سـده


مهو بخبلٍ ما رعـى للهوى عهود
وادنـاة مـا عـارض طريقـه يـــرده


ولاهوب لاعلـة ... ولاهـوب ملهـود
ولا شكــوك ... و كــلٍ طــارئٍ يـحـده


ما اشين من الرجـال لا جـاك ببـرود
وإن قـال له تـرف القـدم شــي صـده


تبـي لهـا بـراق طيـبٍ لـه رعــــود
إن اجدبـت يمطـر علـى ريـف خـده


وإن نادته تكفـى لقـت عنـده الفـود
يشيــل عزتـهــا علــى قـــو زنـــده


كفه نفل ... وانفاس صدره لهـا عـود
وظلالــه الضــافـي بيــدهــا تـمــــده


البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده


البنـت إلا ضحكـت ثمرهـا لـك ورود
يا خـوي مــن يقطــف نواويــر وردة


واللي يهين البنت ناقـص ... ومقـرود
فرس غـلا ... ماهــي لـــعـبـــــــة ودده

 

 

 

 

 

 

 

 

توقيع : حلم~

💜

[قـاصد كـريم]

جميله ومعبره

اشكرك

[حلم~]

اسعدني تواجدكك

[أهات الجروح]

القصيده كلها تهبل بس شدني البيت هذا :البنت ريحانة غـلا ... ناعمـة عـود
تبــي لهـا رجــلٍ ورث طيــب جـــده
برفوووووووووه يعطيك العافيه علي الكلمات الرائعه ولك مروري

[الفلوه]

وفقتي كثيراً في الاختيار يـ حـلم
انتقاء راقي

تسلمين عزيزتي

[شـمـآلـي]

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده


ونشهد شهادت حق مو باطل
صح السانك والله وعلى شانك

[حلم~]

اسعدني تواجدكم❤