رشيديات ( شعـر )

رد: رشيديات ( شعـر )

فوح قلبي فوح دلة بهارٍ فايحه



فوح قلبي فوح دلة بهارٍ فايحه
سج عنها القهوجي في سلامٍ والتها
والجمر بجنوبها تشتعل صفايحه
لين فاحت وانثرت كل ماها وانتها
سبّة اللي شفت والشمس قدهي طايحه
من كذا لأُم الجماجم عصيرٍ شفتها
في طريقي وانا رايحٍ وهي رايحه
وقلت لي كلمه وياليتني ما قلتها
والهوى عدٍ طويل تعنّى مايحه
وروحي على عد المحبه وردتها
جعل ودان الحيا إللي بروقه لايحه
يسقي ديار البدو لين يزمي نبتها
يا حمامٍ فوق هدب الجرايد نايحه
من سبايبك العيون القشر عذبتها
قالوا أدله يا حمد عن غلاه وبايحه
قلت يالاجواد بموت ما بايحتها
.
حمد بن ناصر أبو ظهير

.

المصدر: الملتقى الجماهيري للشاعر محمد بن فطيس المري