من بـاعني ربي يسمح دروبه

[ظافر العرجاني]

السلام عليكم ورحمة الله وبركاتة

هاذي ابيات بسيطه وردها

واتمنى ان تعجبكم

من باعني ربي يسمح دروبه
لايفكر اني بلحقه .. جعله افداي

يّفارق بخيره ومعها عيوبه
وان كان هاقي رجعتي ماني بجاي

ياصاحبي نافل تراهم حكوا به
ولاني بقايل شي من طيب مبداي

دام الموده بينهم والعذوبه
مهوب مسعدهم ليا حل طرياي

يانافل المنعور لو عذربوبه
مالي مجال ارد من التقفاي

وادري مع الايام بيقول توبه
لكّن مابه فايده فالترجاي

رد علي ويقول

خل الردي يمشي مع كل جوبه
لاصار مشيه مايطابق لممشاي

واللي يبيعك جعله يبيع ثوبه
بيني وبينك ماهو بيبدي الراي

يميل نوبه ويتردى بنوبه
ويسبني لاسمع بأسمي وطرياي

ولا انت سيف(ن) يعجب اللي غزو به
لاصكت الدنيا علي ... صرت مركاي

حر(ن) ينومس ناقله لاقنصوبه
لاخلفت من ضني ولا اخلفت هقواي

ولا الردي ربي يسمح دروبه
لاهوب شف(ن) لي ولا يردع عواي

ماهمني لو سار مع كل جوبه
مدام مشيه مايطابق لممشاي

وسلامتكم

 

 

 

 

 

 

 

 

[ريف الصبا]

ابدعت
صح لساااااااااااااااااااااااااااااااانك

[أمير الشريف]

رديه جميله جدا جدا جدا .. قرأتها وكانت خفيفه وثقيله في نفس الوقت .. خفيفه لدى القارئ وثقيله في نفس المقصود .. صح لسانك انت وخويك وبيض الله وجيهكم ..

[ظافر العرجاني]

صح الله ابدانكم والله لايهينكم
على المرور اللي شرفني واسعدني بنفس الوقت

[محمد الشريف]

صح الله لسانك ياضافر قصيده منك وافيه ورد وافي من نافل لاهنتوا وبيض وجيهكم

[ظافر العرجاني]

صح بدنك يامحمد
وانت وااافي طال عمرك
والله لايهينك ولا يصغرك على مرورك اللي شرفني

[قايدة الريم]

_

صحت آلسنتكم ,
قصائد عذبه من شعّآر جزلين . .

[خالد العبيريد]

وعليكم السلام ورحمة الله وبركاته ,,

ارررحب ياظافر ترااحيب الغلا حيااك الله ,,

صح الله لساان عميلك وصح الله لسااانك قصائد عذبه ورائعه جدا ,,

كل تقديري وشكري لك ياجزل .

[ظافر العرجاني]

صح الله ابدانكم
والله لايهينكم ولايصغرككككم على المرور اللي شرفني

[عامر صالح ال شنيف]

ظافر
صح الله السانك وعتلا شاانك ردية جميلة ولاهنتوا