سنجار يبي يصبح ضحيه

[عبدالله السناني]

وين بدري ياسنجار, والله ودري نكمل بس , صح بدنك ولآهنت ماحصل منك الا كل خير وصح لسانك

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[عبدالله السناني]

نسقتها المحاوره عشان نراجعها سوا ههههههه

عبدالله السناني
انا ادور على سنجار وانشد من ثلاث شهـور ** وحصلته هــنا والاوله من حظ راعيها
حلمت اليوم يالمري واشوف ان الجبال تدور ** وفسر حلمي اللي باول القصه وتاليها

سنجار المري
تدور ماتدور ياولد توك ثماــــــن ابحور ** وخل القافله تمشي وانا اشوفك تباريها
هذا ماهوبحلما وانتبه لا تكشف المستور** انا خابرك بايعهاعلامك سرت شاريها


عبدالله السناني
نشوف اللقمه اللي ناشبه مابين حلـق وزور ** وصاحبها دموعه فوق خده حار يرميها
انا احسّب حماة الدار تحمي قصرها المعمور ** وصرت اليوم ياسنجار حاميها حراميها


سنجار المري
يكبر لاقمته والمشكله ماعاد له حنــــجور ** يدور له حلولا والعرب ضاعت هقاوبها
علمنا فوق همات العرب ياصاحبنا منشور ** تقوله وانت بايقها وانا منها وانا فيها


عبدالله السناني
ولا ياصاحبي ياليتك تصفط مع الجمهور ** تــحيــر خاطـــــرك مابين كاتـبـها وقـــاريــها
تقوله مير ياسنجار جرب حنت الماطـور ** لك الله لو يطول القاف غير اعميك واعميها


سنجار المري
انا الشاعر وانا الماهر وانا الريس وانا الدكتور ** وانا اللي لو تخالفني على راسك بادربيها
وانا خابرك بادي والحيقيقه ماعليك اقــــــصور ** ونارك لو تولعها على راســـــك باطفيها

عبدالله السناني
تركت شداد ريمه يالمهايط وانت فوق الـكور ** رسنها طاح وانــــــتــه غير مـتشدد بذانيها
ثلاث اخوان وصبحتو هموم وكل ابوكم عور ** احد يمنى وحد يسرى واحد يرمي ويخطيها

سنجار المري
انا ماني بمثلك وانت ساقك ياولد مكسور ** حركاــــــتك ترها واضحه لا عاد تخفيها
عيونك جيت اكحلها وخلك ماسك الطابور ** عيونك من غلاتك ياطويل العمر نغليها


عبدالله السناني
تكحلها وتعميها ومبداها مبادي نــور ** بني مره لونا نـبغــي نفـتـش علابيها
تجمعتو تفرقتو ومنزلكم غدا مهجور ** سرقتو بعضكم ياعزوةٍ تنكر بناخيها

[محمد الشريف]

الله الله صح الله السنتكم ولاهنتوا كفيتوا وفيتوا

[سعيد محمد القحطاني]

بيض الله وجيهكم
وصحة ألسنتكم تمتعنا بمحتواه قويه
تحياتي لكم

[عبدالله السناني]

الله يبيض وجيهكم على المرور