يا فرس لا هدك المضمار واغضت لك شعيلة

اقتباس:
المشاركة الأصلية كتبت بواسطة حامد الفارس [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

السلام عليكم ورحمة الله وبركاته

وجدانية تتحدث عن نفسها

يا فرس لا هدك المضمار واغضت لك شعيلة

الهوى خلف الظلوع العوج وقّدّ بي فتيله
والسهر كحّل عيون الليل من دمع الجفيا

والوله في طرْف عين الصبر شيعني قتيله
واخلف الهقوات في ذولا وفي ذولا وذيّا

يا ورق خل العنا للحبر والشاعر وليله
واترك الأحلام ترسم فيه لوحات الشقيّا

من هنا وهناك للسارين والألحان شيلة
زمجرات أصواتها شبّت ورا عوجي شفيّا

لا بغيت أقلط على ضوه وفنجاله وهيله
ولعت فيني مقابيسه وانا باقي هنيّا

وين لي يالربع في صبرٍ يعزّمني واجيله
واتقهوا من لياليه الطوال بلا خفيّا

يا وجودي كل ما خيلت برقه في المخيلة
ما معي من حيلة إلا دق زوري باليديّا

يا فرس لا هدك المضمار واغضت لك شعيلة
فالله الله لا يطير الصبر بجناح الحديا

وإن توقد بك هوى المهرة وولع بك فتيلة
فاسق لهفات العطش في داخلك دمع الجفيا

حامد الفارس

صح السانك مليووووووو ن
شاعر جزل ومافيك حيله