دام العتب في سلم الأحباب مسمـوح

[حلم~]

دام العتب في سلم الأحباب مسمـوح
قل لـي وش اللـي غيـرك لاتكابـر

أصبحت انا لك روح وانته لي جروح
وانا اندب الفرقى واجامـل وصابـر

الى متى اقبـل علـى البـاب واروح
احسب مسافاتـي واعـرف المعابـر

وانا الذي غنيت مـع ساجـع الـدوح
وعليت لك من فيض شعـري منابـر

احرص على عشقك واعلي به صروح
وجزيتني كني معـك شخـص عابـر

اجي وانا مجـروح واروح مجـروح
خابـر بنيـاتـك ولانــي بخـابـر

الجسم حـي وداخلـه قلـب مذبـوح
وكسرت رجلٍ مالقـى اليـوم جابـر

كانك تبينـي افضـح السـر وابـوح
والـوم دور الوقــت واقـول غابـر

حنا عرب والسر من دونـه الـروح
وصـدورنـا للهم مـثـل المقــابــر

مانخلف النيـه ولـو فيـه مصلـوح
والغــدر مالـه عنـدنـا أي دابــر

وان كان جايك من على الهرج مشفوح
اللي على النـمـه لـهـم شبـر شـابــر

بعطيك علم وعادتـي ابعـد الشـوح
تـرا المظاهـر ماتعكـس المـخـابـر

بصبر ولو صدري على حبـك يفـوح
وابقى على الهقـوه كتـوم و مثـابــر

عل الفرح فـي مقبـل أيـامنـا يلـوح
وانسى الهمـوم اللـي عليـه تسابـر

وان كان همك تستمع لي وانـا انـوح
فانـا همـومـي مــاحـوتـهـا المحـابـر

 

 

 

 

 

 

 

 

توقيع : حلم~

💜

[عامر صالح ال شنيف]

هلا وغلا فيك اختي
حلم~
اختيااااار للشاعر عبدالله العصيمي وقصيدة مجنووووونه
لا عدمناك وتسلمين
تقبلي مروري المتوااااضع

[محمد بن عبدالهادي المري]

صح الله لسان الشاعر وبيض الله وجهش حلم


اختيار موفق

[حطموكـ ياقلبي]

يسسلمو أخــ.ــتي حلم .ع. ألـآبيـ.ـأت الرآئــ.ـع ــه ...
ويع ـطيكـ. ألـ.ـف عآفي ــه ...
ونريد المزيـ.ـدمن قلـ.ـمكـ...
تقــ؛ــبل زيـ.ـأرتي ,,,

[سعيد محمد القحطاني]

حلم ختيار رهيب وقلم رائع
يامال العافيه تقبلي تحيات اخوك سعيد ولاهنتي

[حلم~]

اسعدني تواجدكم

[فيصل الشلحاط]

تسلمين اختي على الابيات الجميله

وفقك الله

[حلم~]

هلابك وياك ي رب اسعدني تواجدك

[بنت الروقه]

الله يعطيك آلعافيه ي الغلا
وسلمت الأنآمل المتألقه
على روعة انتقائها الراقي

[حلم~]

يسلمك ربي ي الغلا