يـــــا طيــــــــــــــــــر ..

[فراشة]

يا طير حظك لا بغيت تطير ما اضناك المطير ..
تنطح صلافيح الهوى من هيبتك وتعوقها !!
وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!
ما فيك لا برقع ولا لك وكر ولا لك جرير..
والله لو اني اياك لآشق السحب وآفوقها !!
لا ضاق صدري .. رحت بلحالي وحثيت المسير..
وان ضاق صدرك توكر بروس الجبال وفوقها..
شامخ ولك هيبه .. ولك سطوه ولك عزم خطير ..
واليا نويت الصيده الجزله .. قدرت تبوقها !!
اشبهك../ في غيك وغيك غير واحساسك عسير
بس اختلف../ وياك .. فالقدره وفي منطوقها
لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!
يا ليت لي جنحانك اللي لو بغت وادي عسير
ما ردها منه سوى منشي السحب وبروقها
يا طير .. شفني والله اني من عنا الدنيا كسير ..
وكسرة جناح العزم .. ما تثنى الطموح بعوقها..
سيف القهر مبطي وهو ما فارق اطراف الجفير..
وانا علي مرفوق نفس ٍ خاطري .. مرفوقها..
احاول اجمع ما بقى لي من امل .. باحساس غير..
واكبح جموح النفس .. لو نفسي ذبحها شوقها..
انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها..
أملك من الاحساس والقدره وتحديد المصير ..
ما يكفي انه يحل ازمات العرب ووثوقها..
لكن حدود العقل والحريه وشوف البصير ..
كنها تقول الابتعاد احيان .. من منطوقها..
ياليت/.. مالي قلب يشعر ويتضايق ثم يغير..
ما كان وجهي شحبته الاقنعه وطروقها..
عيبي /.. خلقت من الوفا .. بس الزمن ما فيه خير..
مثلي مثل ناس ٍ تعيش .. وما توفي حقوقها ...

حمد البريدي..
*وسلامتكم*</b></i>

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم

[مبارك الشمري]

ختيار يفوق الابداع يافراشة المنتدى مبدعه بكل طروحتس
بنتظار المزيد شكري وفآق حترامي

[فراشة]

مبارك الشمري .. حياك اسعدني حضورك ..

[حطموكـ ياقلبي]

تســلمين أخــتي فرآشـ.ــه .ع. ألـأبيــ.ــأت ألــ.ــرآئــع ــــه ...
ويع ـطيكـ. ألــ؛ــف عــآفي ــه .ع.مـ.ـا قدمــتي ..
واالله . لـا يحرمنـ.ــأ قلــ.ــمكـ. المميز ..
تقــ؛ــبل زيــآرتــ.ــي ,,,

[فراشة]

حطموك يا قلبي .. اسعدني حضورك لاهنت ونورت