محمد الوايلي + محمد الشريف

[خالد العبيريد]

تنسيق الطاروق بالاذن من اصحابه ,,
بدا الشاعر محمد الوايلي بهذى البدع الجزل ,,

[poem=font="simplified arabic,5,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] سـلام لهـل المنتـدا والجماهيـر=من شاعر" ماله قسـم فالهزيمـه
يالربع ما حد شاف لي حولكم طير=ماريتـه كبـر الثقـه والعزيمـه [/poem]

ورد الشاعر محمد الشريف بقض جميل ,,

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] يامرحبا ترحيبة العز والخير=ترحيبةٍ مثل ابن طائي كريمه
لاتشمّت الاجواد وتشمت الغير=خل العلاقه يامحمد حميمــــــه [/poem]

محمد الوايلي ,,

[poem=font="simplified arabic,5,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] دام البقا جعلك مع الغربه بخير=ترحيبتك جعل انها مستديمـه
انا مثل غيري على مثلك آغير=واجرعه طعن القنا والظليمـه [/poem]

الشريف ,,

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] لاتعكس دروب الوفا تعكس السير=الزله ان جت من سواتك جريمـه
تطرد وراها ياكبير المناخيــــــــــر=لاتحسب ان به من ورايه غنيمه[/poem]

الوايلي ,,

[poem=font="simplified arabic,5,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] اعكس عليك السير حشمه وتقدير=لو مانت من قوم القدر والحشيمه
واطرد وراها بالغلط كنـي بعيـر=يطرد ورا مفجوحة الصدر ريمـه [/poem]

الشريف ,,

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] حاسب ترى للهرج منهج وتفسير=نوب العواقف في المخوه وخيمه
ابشربها بشرى الجليله من الزير=ماني ببايع خوتك لجل قيمــــــــه [/poem]

الوايلي,,

[poem=font="simplified arabic,5,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black""] لا تنزعج ياراعي القاع وتحير=مادام عينك في الاشاره غشيمه
عطيت لك ناقه ورجعتها عيـر=افا عليك من الظنون السقيمه [/poem]


الشريف ,,

[poem=font="simplified arabic,5,red,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] لم الرشا ثم انزع بدلوك البير=مافايدن قالوا حليمه حليمه
وشفيك قمت تحوص ماتمسك القير=شوري عليك ان مايجيلك قسيمه[/poem]

الوايلي ,,

[poem=font="simplified arabic,5,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] لو انت في ضرب النياشيين حزًير=لاهل لك من بارق العـز غيمـه
لكن فوقك من وشى الوقت جنزير=واخلفت ميعادك يمال الصريمـه [/poem]

الشريف ,,

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] يمكن حصل مني يارجال تأخير=ترى الخطا وارد وعضمي رميمه
اقول لايكثر ترا كبرت كثير=والي مزعل خاطري في صميمه[/poem]

الوايلي ,,

[poem=font="simplified arabic,5,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] اخرتها واجد ولكـن خبـر خيـر=كلمة مراوغ ماتجـي مستقيمـه
نصبر الين يصير لك ريش واتطير=وان مت باكتبها وصـاة ً لزيمـه [/poem]

الشريف ,,

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,firebrick" type=0 line=0 align=center use=ex num="0,black""] لايسمعونك من لهم شور ومشير=يستحقرك حتى الردي وحريمه
لاعاد تقبعها تطول المشاوير=نجعلك تلحقنا بلعن وشتيمه [/poem]

الوايلي ,,

[poem=font="simplified arabic,4,black,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black""] من قال حقي ماغلـط يامناعيـر=وانتوا تعرفون السلـوم القديمـه
وش في محمد طاح فالثوب تشمير=كنه يبى يفـري معالـق غريمـه [/poem]


وانتهت هاذي المعرركه التي تمنيت اني حضرتها والله يعلم وفي البدااايه والنهاايه ,,
صح الله لسااانك يالوايلي وصح الله لساااانك يالشريف واشهد لكم شهادة حق شعراء جزيلن ماشاء الله تبارك الله ,,
كل شكري وتقديري لكم ووافر احتراامي .