اشهد ان الطيب في بعض المواقف ردا واشهد ان الردا في بعض الاشكال طيب

الخـوَه اللـي تختلـف مابيـن لـيـل وبـيـن يــوم...... الله يـبـعـدهـا ويـبـعــد لـيـلـهـا مــــع يـومـهــا
لاصـار ماتبنـى علـى زيـن العوايـد والسلـوم ......يغنيـك ربـي عـن عوايدهـا وشـيـن سلومـهـا
خــوة طليقـيـن اليمـانـي والرياجـيـل الـقـروم ...... تشفـيـك لامــن الليـالـي حـضَـرت بهمـومـهـا
اللـي ليـا منـه بـدالـك يالسنـافـي مــن لــزوم ...... تفزع معك فزعـة رجالـن ماتمـوت عزومهـا
لاضاقـت الدنيـا عليـك وبـان للضيقـه رسـوم ...... من ضيقتك ضاقت عليهـم يالشجيـع هدومهـا
وان كان عينك مـن غثـا الدنيـا تملـل ماتنـوم ...... عنـدي ضمـان عيونهـم ماتهتنـي فـي نومـهـا
كـذا يبينـون الرجـال الصادقيـن مـن الرخـوم ......وكذا نعـرف صقورهـا ياصاحبـي مـن بومهـا
حنا بلشنا فـي مهايـط بعـض بيضـان الهـدوم ...... اللـي يحطـون السمـا فـي راحـتـك ونجومـهـا
علومهـم وقـت الرخـا ياحـي هـاذيـك العـلـوم ...... تقـول ذولا مــن شياطـيـن الـعـرب وقرومـهـا
وان لفَت الدنيا وحضَر وقـت تشميـر الكمـوم ......فـي ذمـتـي ذمــه تضـيـع افعالـهـا وعلومـهـا
المرجله في كوم وافعال الخبل في وسط كوم ......ماتجتمع واللي رفع سقـف السمـا وغيومهـا
عشنا على الدنيـا ولاعاشـوا ردييـن العـزوم ...... اقولـهـا والـنـاس تفهمـهـا حـسـب مفهومـهـا