** الشاعــر /عبدالكريم الجباري**

[فراشة]

بسـم الله الـرحمن الـرحيم
يسعـد لـيا صباحكم / ومساكم بالخيـر

كب الدلال وصك بابك عن الجار
وغير مسماتك وخــل العشيره
**

صار الوطن غربه وصار السفر دار
لـ ويـن مدري لكـن لا أي ديره

من عاش وقته مايحسب للأشـوار
يضيع مايدري توالـــي مصيره


للنفـس حد ولو تعـدته تنهار
ماعاد تفرق بين خيـرن وخيره

بعض العرب في جوفها علوم وأسرار
والله هـو اللي عالم(ن) بالسريره

كم واحد(ن)يشرب قراطيع ألامرار
ولا كن صابه مثـل حب الشعيره

وكم واحد(ن)لو صابه أدنات ماصار
خلـى الصغيره فــي عيونه كبيره

اذا معك دينـار / قدرك بدينار
مع أحترامـي للوجيه السـفيره

كب الدلال وصك بابك عن الجار
وغير مسماتك وخـل العشيره

تلقى مــع العالم معـزه وتعبار
الطيب تال الوقت أصبـح معيره

ماعاد بها الوقت حشيمـه وتعبار
لو انك أنت شيخ فخـذك وأميره

المال يغسل من مـلا وجهه العار
والفقر ذل أهل السيـوف الشطيره

يحقر اللي ماعلـى ساسـه غبار
ويعـز من شان النفوس الفقيره

الفقر قصر من طويلين الأعمـار
والمال طول فالأعمــار القصيره

هذا الصحيـح ولو تجيبون الأعذار
عذر أنسحاب القوم عقب الكسيره

الميت له دعوهـ وللكسـر جبار
والهـرج ماسر الجروح الخطيره

اللي مشى في عــزة النفس مابار
واللي يذل النفس بايــع ضميره

قدامنـا جنــه وقـدامنـا نار
واللي بغينــا الهدى والستــيره


صح لســان عبدالكريم الجباري
مما راق لــيا ,,*

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم

[شآسع المري]

عبدالكريم الجباري شاعر من الطراز الرفيع

صح الله اللسانه مدد بلا عدد


ولاهنتي على ذوقك في انتقاء امثال القصايد من الشعراء مثل الجباري

[فراشة]

شاسع المري ..
حــيآكـ.. لاهنت أخؤؤي
يسلمؤؤ على حضورك الراقي ..