لايغرك حجب دمعي عن ظهوره ....

[ضامي الشوق]

[youtube]http://www.youtube.com/watch?v=nFOrAJJuqx0[/youtube]
.................................................. ..........



لايغرّك حجب دمعي عـن ظهـوره***
لاتقول أنّـي سليتـك !! ماسليتـك

دايم أستر دمع عيني ستر عـوره***
والاّ أنـا يامـا تضايقـت وبكيتـك

أوّله يوم الغـلا فأربـع شهـوره***
وآخره في يوم جيـت ولا لقيتـك

أعتبر مسياري لجـارك.. ضـروره***
لجل أوقّف موتـري قـدام بيتـك

وأنتظر لي ربع ساعة.. عند سوره***
ماخبرت أني دخلته.. ما أحتريتـك

وأنت تأخذني على عميـا مشـوره***
مسرفٍ بي لارحـم حيّـك وميتـك

تحسب أنّـي ناسـيٍ حبـك ودوره***
لونسيت ابـوي وامـي مانسيتـك

الله اللي حطّ لك في العين صـوره***
و الله أن يمحا نظرهـا مامحيتـك

تلمحـك روضٍ يقلدنـي زهـوره***
ناعـمٍ لـو أنّـك بتوكـل كليتـك

موج حبك في الحشا صفقه وفوره***
والظنون تسـد نفسـي لأشتهيتـك

وش تعللها عليـه مـن الخطـوره***
يامـعللها علـى ليـتـك وليـتـك

واحدٍ من طاري أسمك طـق زوره***
وش يقول أن سمع ( لبيك وفديتك )

عذره بمخباة لـو يفقـد شعـوره***
وأنت عـذرك لارمـاك الله رميتـك

لاتهـز الغصـن وتطيّـر طيـوره***
أتق الله وأحترم مجـدك وصيتـك

وأن حداك مساير النفس الغيـوره***
مرحبـا مـن واحـدك لكمبليتـك

أرمني فالنار مـن عميـا مشـوره***
وأسرف أسرف لارحم حيّك وميتـك


اتمنى ان تحوز على رضاااكم

 

 

 

 

 

 

 

 

توقيع : ضامي الشوق

[الماسـه]

الله روعه ضآمي
وهذا يدل ع ذوقك الرآقي . .
ابدعت باختيآارك الله يحفظك يارب

[بسمة غزل]

صح ذووقك آبيآت جميله

[فراشة]

يـووووه ياحبي لها هالقصيدة
صح لسان الشاعر المبدع مدغم بو شيبه ,,


وتسلم يدآآآآاتكـ خيو على النقل الفريد اللي تتميز فيه دائمـآآ
واللي يدل على شاعريتك ..

اختياراتك قمــة وتستاهل عليهـــآ بصمات التققييم ..


تحياتي لسموكـ الرآآقي

أختكـ..

[جـــود ,]

الله اللي حطّ لك في العين صـوره***
و الله أن يمحا نظرهـا مامحيتـك


ضآمي الشوق تسلم يديك
رائعه ..
تقييمي +++

[خالد العبيريد]

حياك الله ضامي الشووق ,,

بارك الله فيك ولاهنت على ماقدمت من قمة ابداااع ماشاء الله عليك ذوق راقي وفكر جزل ,,

كل شكري وتقديري لك .

[ضامي الشوق]

يعطيكم العافيه

على المرور العطر

الذي عطر متصفحي

اسعدني مروركم

احترامي

[حلم~]

يعطيك العااافيهٓ لاهنتي

[ضامي الشوق]

تسلمي على المرور العطر

لاهنتي تحطيم هههع

[حلم~]

سوري لا هنتتتتت