ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

[ضامي الشوق]

قل لاكحل العين تكفا يا ابـو نـوره
من بادي الوقت وهذا طبـع الايامـي
الوقـت جبـار والأحيـاء مجبـوره
أقفت وهي ضاميه وأقفيت انا ضامي
الوصل مرفوع والحيـلات مجـروره
والبعد مجـزوم والتوديـع الزامـي
كني وكنهـا بليلـن وجههـا نـوره
داخل أميه يـوادع غوطـة الشامـي
كنها وكنـي بليلـن دمعهـا جـوره
كلمة خلافه توادع منصـب اسلامـي
أنثى تثنـى مـن الأثنـاء مغـروره
الخصر صوام والمردوف ماصامـي
مجمع بني نوح جا في وجه سنيـوره
في خدها سامي وفي طرفهـا حامـي
لاقالت ابصم على حبـي ودستـوره
أبصم وتقرا اسمها في بصمة ابهامـي
وان قالت أكتب قصيدن فيه لي صوره
أكتب علـى بابهـا والنـاس نيامـي
يا غايتن من ورى ذا الباب مستـوره
في بيتنا مرمي وفـي بيتكـم رامـي