يا صــــاحبي لا تجــرح القــــلب بالحـــــيل

رد: يا صــــاحبي لا تجــرح القــــلب بالحـــــيل

حياك الله يابو ثامر مره اخرى ,,

انت تدري اني من جماهيرك ومن المعجبين لك بقوه ,,

وابياتك هاذي عزالله انها حركت اشياء قد لاتعلمها انت لكن من ماطرالي جاريتها بأبيات والله انه شرف لي يوم اتابعها ماهوب اجاريها واتمنى ان تنال على اعجابك يافهد واعجاب الجميع ,,

يا صاحبي لا تجرح القلب بالحيل=إرحم رحمك اللي لخلقه رحومي
عامين أجاهد بين حزن وغــرابيل=والصدر من زود المحبه كـتومي
راع الـــهوى ســـوات خيالة الليل=ضاري على العزوه وفرك الخشومي
دايم يشيل الــود لإهل الغـــلا شيل=نوبن يبي يجـــلس ونوبن يقـــومي
ووصاف خلي غطت الجدي وسهيل=مثل القـــمر لا بان وســـط النجومي
ذبحــــتني يا بو عـيونن مكـــاحيل=عقبك ترى ما طـــاب بالي ونـــومي
يالله طلبتك فالـــرجاء والتســاهيل=تجبر عـــزى نفسن تلته الهمـــومي
ياما عليه إدمـــوع عيني هـــماليل=وياما أجر الصوت فـــوق الرجومي
ذيبن قنب بعواه من عرض ما قيل=حاديه من جـــوع الصلف والنقومي
بدون على طـــراف نجد المــداهيل=بين الحـــماه وبين ضــلع البقــومي
ياوين أبلقا من يصون المـــراسيل=اللي ليا جــــيته يــســـد اللــــزومي
يرسل له الحـاصل بجمله وتفصيل=ويعلمه خــــافي حمايض عــــلومي

ان كان ابو ثامر يحب التعاليل=لاطاب فال الي لحاله يلومي
الشعر غايه والضماير مباهيل=من فيضها موج المعرفه يزومي
اطربتني واحزنتني بالتماثيل=وخليت قلبي بين الاضلاع يومي
من هيض مدري غيض غنى مواويل=على لحون الهجر صار محسومي
ان كان لك عامين حزن وغرابيل=وقلبك على كتم المحبه عزومي
قبلك ثمان اسنين راحت زرافيل=اركت على قلبي رماح وسهومي
مالي على درب المفارق محاصيل=غير الشقى والضيق في كل يومي
لاباح سد الود عند العواذيل=منهاجها يمشي بليا رسومي
اقفت ليال الود مع نافل الجيل=والي بقى كاس العطب والسمومي
اجرع من اللوعه ولاعاد بي حيل=وقلبي من الافراح صار محرومي
لاقبل سواد الليل جاته بهاذيل=يكفخ مثل طير ٍ وحش ومحزومي
وش خانة الفرقى بليا دواليل=طير السعد منها بجوه يحومي
لكن يابو ثامر تريح من القيل=دام الخواطر عانقة للغيومي

المصدر: الملتقى الجماهيري للشاعر محمد بن فطيس المري