عجزت ياصنداح لقطع علومها ,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

نجدد لكم مشاركه وهي قصيده مساجله بيني وبين صنداح بن زايد الزلامي واتمنى ان تنال على اعجـابكم جميعا ً ,,

خـالـد الـعـتـيـبي ,,


[poem=font="simplified arabic,5,darkred,bold,normal" bkcolor="transparent" bkimage="" border="double,8,firebrick" type=2 line=0 align=center use=ex num="0,black""] الله من عين ٍ سهرهـا عذابهـا=لمن كـل ٍ نـام جاهـا وسرابهـا
مابين ضيقة بال وهـم ٍ يكيدهـا=ودمع ٍ تلظا في هدبهـا شقابهـا
صبرت لين النفس كمل طريقهـا=والوقت رمحه من شقاها صطابها
لكـن يابحـر الضمايـر ودرتـه=نبـى نسكـر للهواجيـس بابهـا
وناخذ من الجزلات ونكتب دليلهـا=ونرسل لصنداح الزلامـي كتابهـا
ابو محمد سعد مـن يشتكـي لـه=قرم ٍ على روس المعالي رقابهـا
الطيب ساسه والوفاء من عوايده=فعل المراجـل كلبوهـا حضابهـا
يابو محمد جات يمـك مشاعـري=والعود الازرق والمعـزه لفابهـا
يامحزمي شكواي يمـك سبيلهـا=حيثك من رجال ٍ سعد من نخابهـا
شكواي من ناس ٍ بلتني فعولهـا=ابيلس فـي ذم الخلايـق طغابهـا
فيهم على نقل النميمـه طماعـه=وتفرح على شكوى عزيز ٍ شكابها
عجزت ياصنداح لقطـع علومهـا=دام النمايم زادهـا مـع شرابهـا
هذى وانا صابر ونفسـي بعزهـا=مير البلا نار ٍ بصـدري عذابهـا
لاحل ذكر الي تنومـس فعولهـم=قوم ٍ على ركب الزمن قد جرابها
اهل الشيم واهل العلوم الاصيلـه=اهل الحميه والشهامـه حسابهـا
على فعول الطيب تبذل جهودهـا=كسابت ٍ للنعـم واصلـه زهابهـا
وان جاهم الي يشتكي من مصيبته=ماخابت الهقوه عقـب ماهقابهـا
بأيمانهم تفعل فعـول ٍ منومسـه=وتجلا على نفس ٍ بلاهـا هذابهـا
لامن طرالي ذكرهم مـع فعولهـم=عاد ورجع للنفس همي وصابهـا
هذى وصلى الله على خاتم الرسل=اعداد من زار الحرم ثم سعابهـا [/poem]


صـنـداح الـزلامـي ,,


[poem=font="simplified arabic,5,darkred,bold,normal" bkcolor="transparent" bkimage="" border="double,8,firebrick" type=2 line=0 align=center use=ex num="0,black""] يامرحبا واهـلا هـلا بالقصيـده=من شاعرٍجـزل المثايـل بدابهـا
ينقد معانيهـا وينقـش حروفهـا=ويصوغها بالمعرفـه وارتقابهـا
يفتل وينقض ويحبك حبك شاعـر=له مفرداتٍ كـل شاعـر حكابهـا
مسامع الشعـار تذعـن لصوتـه=لاجابهـا ولـد العبيريـد جابهـا
دره ومـن فكـرأ ليـازان جـوه=عدا الشواهيق الطـوال ورقابهـا
أسند علي القاف من حال يشكـي=شكواه من ناس ٍ على الله حسابها
والله يحاسب من سعى بين ربعـه=واللي مشى ممشاه واللي نوابهـا
اهل الوشايـه والعلـوم الرديـه=في هالزمن ماو الله اكثر خرابهـا
في كل دار وكـل بيـت وقبيلـه=حتى الدول خافت وتحسب حسابها
ماهوب انا وانته ومعنا جماعـه=هاذي علوم ٍ كـل واحـد درابهـا
طلـع علينـا يالعبيريـد عالـم=أتحلق ألحاها وتحلـق اشنابهـا
مخالفين الشرع ولسنـة النبيـى=ومخالفين اهل الشهامه وادابهـا
مخالفيـن بكـل شكـل وطريقـة=حتى بممشاهـا ولبسـت ثيابهـا
وشعاد باقـي يارفيقـي ترجـاء=اطلب من المعبود يقصر شبابهـا
تخفيـف للعالـم وتطهيرللبـلـد=ومن ذاق جمرة شرهم واكتوابهـا
ويرتاح من كان يتجـرع مـرارة=سوالف الغيبـة بحالـة غيابهـا
هذا وخذ ماجاك منـي وصبـرك=ترى الزعل للنفس اساس التهابها
لاتلتهب نفسـك وتزعـل بقـوه=وتحطـك العـدوان زادن لنابهـا
اثقـل ولاتكثـر تذمـرك منهـم=واهل الوفاء قل ياهلا مرحبابهـا [/poem]

وسـلامة نـواظركم .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[شيخة القصيد]

حضوور جمييل ونص راقي
شااعرية تستحق المتابعة والتصفيق
يعطيك العافية.. وننتظر جديدك

[بنت الروقه]

الله الله
ماشاء الله
صح الله السنتكم والقلوب
كلكم مافيكم حيله
لاهنتـــــ ي ولد العم
0

[خالد العبيريد]

حيااك الله ياشيخة القصيد ,,

كل الروعه وكل الابداع حضورك المضئ ,,

خالص تحياتي وكل تقديري لك .

[خالد العبيريد]

حياك الله بنت الروقه ,,

صح الله بدنك وصح قلبك وكلك ولاهنتي على حضورك المضئ وتعليقك ,,

كل الشكر وكل التقدير لك .

[سعيد محمد القحطاني]

اخي خالد العتيبي صح الله لسانك والسان صنداح
انشهد أنكم شعراء من الوزن الثقيل كل يوم يزتاد إعجابي بما ينثره قلمك
المرصع بالذهب مشالله عليك اخي خالد لاقول الا دمت لنا جعل ربي يوفقك
جمعت الجزاله وخفت النفس وقمة التواضع الف شكر مني لك ايوه العتيبي
الاصيل تقبل تحيات وصادق ود اخوك سعيد والاهنت

[الماسـه]

ماشاء الله
صح لسآنك خآلد . .
وصح لسآنه صنداع $
قصائد قمة فالجمآل
الله يحفظكم يآرب

[خالد العبيريد]

اخي خالد العتيبي صح الله لسانك والسان صنداح
انشهد أنكم شعراء من الوزن الثقيل كل يوم يزتاد إعجابي بما ينثره قلمك
المرصع بالذهب مشالله عليك اخي خالد لاقول الا دمت لنا جعل ربي يوفقك
جمعت الجزاله وخفت النفس وقمة التواضع الف شكر مني لك ايوه العتيبي
الاصيل تقبل تحيات وصادق ود اخوك سعيد والاهنت

حياك الله اخوي سعيد ,,

صح الله بدنك وصح الله قلبك وكلك عني وعن صنداح ,,

لك مني كل الشكر وكل التقدير وبلا شك مثلك ومثل جميع الاعضاء الطيبين يستاهلون كل الاحترام وكل التقدير ,,

لاهنت وبارك الله فيك على الاطراء العذب منك اشكرك وافر الشكر عليه .

[خالد العبيريد]

حياك الله الماسه الوافيه ,,

صح الله بدنك وصح قلبك وكلك ولاهنتي على حضورك المضئ ,,

لك كل الشكر وكل التقدير والاخلاص .

[محمد الوريكي]

خالد ونعم فيك وبالزلامي وافين ومطانيخ
لاهنتو وسلمتو وصح السنتكم