.. ][ مجلـس الشعر و الشعـراء ][ ..

[ترانيم المطر]

اقتباس المشاركة الأصلية كتبت بواسطة سعيد محمد القحطاني ترانيم الـمـطـر الخبر المفاجي لا بعض الاخوان والخوات هو هذا الخبر ماهي صحته وماهي قصته في يوم السبت الموافق 26 /8/1431هــــــــــ تلقت الشاعره ترانيم المطر خطاب شكر من خادم الحرمين الشريفين* هذا نص الخطاب* المكرمه ......... السلام عليكم ورحمة الله وبركاته ...وبعد لقد وردنا كتابكم المتضمن قصيده شعريه ونشكركم على ما إحتواه من مشاعر طيبه . بارك الله فيكم عبدالله بن عبدالعزيز . ونحن بدورنا نبارك للشاعره لكونها إحدى بنات قبيلتنا بارك الله بالجميع وليس بمستغرب على والد الجميع اللفته الكريمه والشكر لمن يستحقه تقبلوا تحياتي أخوكم السناني

نعم صحيح انا في العام الماضي كتبت قصيده بمناسبة البيعه
وارسلتها لمولى خادم الحرمين وجاني خطاب شكر من سيدي كان لي الفخر والاعتزاز به وهذه القصيده
بسم الولى بديت في نظم الاشعار =ولا خاب من يبدا به ويستخيره
ومن بعد ذكر الله ناديت الأفكار = وجني بنات الفكر من كل ديره
واسترسلت كل المعاني للاخيار = لاهل الوفا حكام شبه الجزيره
اللي كرمهم مثل زخات الامطار = ال السعود اهل السيوف الشطيره
وابدا سلامي للصقر نسل الاحرار = ابوي ابو متعب عسى الله يجيره
يا والدي يا مسندي والزمن جار = ومافيه غيرك وافين نستجيره
بنتك تباها فيك يا الوالد البار = تقرا لكم بالمجد قصه وسيره
لك يا حبيب الشعب لدّن الانظار = اعيوننا ترقد وعينك سهيره
ننعم بخيرك كلنا صغار وكبار = هونت عسرات الامور العسيره
والمدح في مثلك مشرّف للاشعار = فيكم فخرنا يالوجيه السفيره
يا اخوان نوره كلكم سيف بتار = للجاهل اللي ما عرف وش مصيره
خدام بيت الله في سر وجهار = حكام شرع الله بعقل وبصير
يشهد لك اللي حج بيت الله وزار = ويشهد لك التعليم في كل ديره
وتشهد صحاري حولت ورد وازهار = صارت حيا عقب الحياه المريره
واليوم باجدد لك العهد بمهار = شعرن عزفته مبتهج في مسيره
لعل من جابك بجنات وانهار = يشرب من الفردوس عينه قريره
وختامها صلو على سيد الاخيار = وادعو معي يا اهل الوجيه السفيره
لعل ما نفقد طويلين الاعمار = الله يخليهم ذخر للمسيره

 

 

 

 

 

 

 

 

توقيع : ترانيم المطر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[خالد العبيريد]

ماشاء الله تبارك الله عليك ,,

اللهم اصلي وسلم على محمد ,,

والله يحمي حكامنا وحمي بلادنا بلاد الدين وثرى مجد العروبه كافه وحمي بلاد المسلمين في كافة الاقطار ,,

اجابات راقيه وصح الله لسانك وكلك ولاهنتي ,,

(والله يكفينا شرك انتي والهجاء ),,


اتمنى لك كل التوفيق الدائم وللجميع .

[سعيد محمد القحطاني]

ماشفت شي ي اخي خالد العتيبي لبي قلبك
وكلك وهذاه المفاجآت هديتك من عندي وتسلم
يدينك ي ريم ولا زال لا الحدث شجون مع ضيفتنا
العذبه

[سعيد محمد القحطاني]

اخت ترانيم المطر
ماهو سبب عزوفك من الضهور الاعلامي
خصوصاً المرئ هل كان هناك اسباب
أوعدم اهتماهم لك اسباب اخري



وهل توافقيني الراي ان الساحه لادينا في
دول المجلس اوالسعوديه بتشكل خاص غير نزيه

[ترانيم المطر]

اقتباس المشاركة الأصلية كتبت بواسطة سعيد محمد القحطاني اخت ترانيم المطر ماهو سبب عزوفك من الضهور الاعلامي خصوصاً المرئ هل كان هناك اسباب أوعدم اهتماهم لك اسباب اخري اخواني لا يسمعونك هههههههههههه وهل توافقيني الراي انه الساحه لادينا في دول المجلس اوالسعوديه بتشكل خاص غير نريه

لم أفهم السؤال ممكن صياغته بطريق أخرى

[سعيد محمد القحطاني]

أوكي الساحه الادبيه وخاصةٍ في مجال الشعر كالفضائيات
ووسائل الاعلام الاخرى الصحافه والمجلات الشعبيه
ماتلاحظين انهم غير منصفين لا بعض الاسما او
ان التركيز على من يدفع اكثر
اجو ان

[ترانيم المطر]

اقتباس المشاركة الأصلية كتبت بواسطة سعيد محمد القحطاني أوكي الساحه الادبيه وخاصةٍ في مجال الشعر كالفضائيات ووسائل الاعلام الاخرى الصحافه والمجلات الشعبيه ماتلاحظين انهم غير منصفين لا بعض الاسما او ان التركيز على من يدفع اكثر اجو ان

ما أدري والله بس الشلليله موجوده بكثره بكل مكان سواء صحافه أو حتى الشبكه العنكبوتيه

[رائد العصيمي]

صح لسانك ياترانيم

النص وافي وشاعريتك مافيها جدال نهائيا

تبهرينا للأمانة

تشرفت بتواجد هنا

[سعيد محمد القحطاني]

اختي العزيزه الشاعره ترانيم اعرف ان أسئلتي ممله ولكن أستأذنك اقدم مفاجآت لا المتابعين من شعرك بدون لا تعرفين ماهي ألقصيده هل تسمحين بذالك

[ترانيم المطر]

اقتباس المشاركة الأصلية كتبت بواسطة سعيد محمد القحطاني اختي العزيزه الشاعره ترانيم اعرف ان أسئلتي ممله ولكن أستأذنك اقدم مفاجآت لا المتابعين من شعرك بدون لا تعرفين ماهي ألقصيده هل تسمحين بذالك

لك حرية الإختار ما عندي أي قصيدة استحي منها