الظواهر نرجسية والمكايد في خفاك

[بنت برقا]

وش تبي مني وأنا مالي على حبك طريق
ابعد ابعد يا غـلاي الأولـي والله معـاك
اتفقنا ع الصراحة والصراحة مـا تليـق
إلا معَ طيب النوايا غير ربي مـا هـداك
تزفر بحب وغرام وتنقضه عند الشهيـق
الظواهر نرجسيه والمكايـد فـي خفـاك
ليش دامك ما تبيني تبدي انك لي عشيـق
وأنت والله ما تبيني غير مدري وش حداك
جيت يمي مرخيٍ راسك وأنا قلبي رقيـق
تشتكي غدر الزمان وحظك إلي قد وطـآك
قلت:لك يا مرحبا بك و اعتبرني لك صديق
في العسر ولا اليسر صوت وتلقاني ورآك
رغم ذلك خنت عهدن بيننا حبلـه وثيـق
واستثرت مجاملينك ع الذي كان يحمـاك
رحت عني وابتعدت وقلت: أنا الليلة طليق
لا قيود ولا وصايا لا نقـاش ولا شتبـاك
تحسب انك لا بتعدت إني على بعدك بضيق
عزت النفس الابيه مـا تنـازل لشبهـاك
عقب مده جيت يمي وألمح بعينك بريـق
و التسائل ليش تجفاني و أنا نبضي غلاك
العجب منك تعجب كيف تغـدر بالرفيـق
ثم تجي له تشتكي له دون ما تنظر خطاك
قد دمحت أشياء كثيرة تندرج فيما أطيـق
و استغليت النفوذ ألي تسبب فـي شقـاك
الطريق إلي بدينا ينتهي بـه ذا المضيـق
أعبرة من دونك بعـزه ولا ذلـة رضـاك


الشاعر :محمد الاسمري

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

[الماسـه]

تسلمي قلبي
ذووووق رآقي..
الله يحفظك

[نديب]

ليش دامك ما تبيني تبدي انك لي عشيـق
وأنت والله ما تبيني غير مدري وش حداك


لاهنتي ع الذووق وصح الله لسان الشاعر