( خالد العتيبي + سعيد محمد القحطاني)

عوده ولاكن ليسى لكمال القاف بل لتنسق القاف ,,
البدايه خالد العتيبي ,,

سلام الله على سعيد وسلام الله على الحضار=من هجوس ٍ على الجزلات ماتقصر هقاويها
تهيض ياسعيـد وعلـم التجـار فالاسعـار=نبي ناخذ ونعطي والمعانـي مـن مباديهـا

رد سعيد محمد القحطاني ,,

الا يامرحبا ترحيبة اهل الدار بالزوار=تراحيب الرجال اللي تقدر وجه ناصيها
انا مانيب ماسول عن التجار والفجار=نقوله والدوائر مالقينا واسطه فيها

خالد العتيبي ,,

يدوم ابك البقى والسالفه دوارها مندار=ودرت كل العرب بالعلم قاصيها ودانيها
انا همي يضيع الي سعى ياصاح يبغى الثار=يقولن المثل كم هقوة ٍ ضاعت براعيها

سعيد محمد القحاطي ,,

طبيعه بالعرب دايم يحطون العلوم كبار=ويشب النار شبابٍ يشب ولايحاضيها
سمعت اعلومهم قلت انصفونا وذبحو بشار=ولكن فالحقيقة بان حاميها حراميها

خالد العتيبي ,,

على هونك ترا بعض الخلايق مالها مقدار=قبل تبلش بمجنون العرب من قل صاحيها
انا ماودي انك تصرف الدينار بالدينار=وهي في سوقنا مابين بايعها وشاريها

سعيد محمد القحطاني ,,

تقول ان مالهم مقدار لكني ابخس الأسرار =معي تقريرهم في حاضر الدنيا وماضيها
مادام تمدلي محار انا بأمد لك محار=جميع اعلومنا زينه وحبة خشم قافيها

خالد العتيبي ,,

نبي نصبر عسى تالي زمنها يخفي الاضرار=ولو شرهات عمك في ضميره صار مخفيها
انا ماني مكررها مدام اني معك صبار=ابضحك والروايه باقيه في بيت راويها

سعيد محمد القحطاني ,,

تبي تصبر وانا باصبر يالله خير ياصبار=ولا تحرص على نبش الجروح ولا تداويها
اعرف السالفه بس اتجاهل في بعض الامرار=أخاف من المزون اللي بردها في مثانيها

خالد العتيبي ,,

ليا لاحت بروق الغرب ياسعيد احسب المشوار=تبي تشرب بعارين العرب تالي مضاميها
ختمنا مابدينا والسوالف جالها منظار=على وضح النقى في ليلة ً طالت مساريها

سعيد محمد القحطاني ,,

بدينا وانتهينا والله الله يارفيع الكار=امانه لاتقاطعنا ترا خوتك ماصخيها
تعدتك الملامه ياعتيبي يانسل الاحرار=ي حبي. لا العوارف يوم تأخذها وتعطيها

,,
وفي الختاام لايسعني الا شكر سعيد وبيض الله وجهه ولاهان منطوقه ,,
ولاهان من حضر واشاد بتعليقه وخالص تحياتي وتقديري للجميع .