المعرفه والصبر مالي ومكسبي ,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

صباحكم مساكم كل خير وكل رضاء ,,

اود انزل لكم اول مشاركه في هذى القسم ابيات تعبر عن نفسها واتمنى ان تحوز على رضااكم جميعا ً ,,


يامـل عيـن ٍ نومهـا مايشوقهـا=تعلقـت فالسهـر عـن مايلوقهـا

لاقبل ظلام الليل واسـدل بهيبتـه=خيل خيال الدمع في وسط موقهـا

وأنهل دمع ٍ في هدبهـا حرارتـه=خطر ٍ عليها في نظرهـا يعوقهـا

أتعبـت حالـي فاليـال ودروبهـا=وانا ادري انه مستحيـل ٍ لحوقهـا

وخشى من الي يفرحون بمصيبتـي=ناس ٍ وسـاع ٍ للنميمـه حلوقهـا

اجاهـد الوقـت العنيـد بعزيمتـي=والنفس في وكر المعـزه سبوقهـا

المعرفه والصبر مالـي ومكسبـي=في وسـط دنيـاً ماثبتنـا بسوقهـا

تجارها الـي ماتضيـع صلاتهـا=وخسرانهـا دنيـاه همـه يحوقهـا

لكن اخذت من الزمـان وتجاربـه=طرايق ٍبالعقـل تمشـى طروقهـا

اصاحب الطيب وشاهر بصحبتـه=الي علـى روس المعالـي يفوقهـا

حر ٍ شهر بالمرجله مـن جـدوده=ماضيع اسلوم الرجـال وحقوقهـا

والا الردي لو هو من اقرب قرايبي=ياجعل شمسـه ماتبيـن شروقهـا

عشنى وشفنـا فالزمـان ودلايلـه=والناس نعرف كذبها من صدوقهـا

وكم مزنت ٍ من غرب خلنا خيالها=يرزم رعدها ويتكاشـف بروقهـا

لكـن مايصـدق مطرهـا ونوهـا=يشتالها الغربـي بحيلـه يسوقهـا

وكم شجرة ٍ خضرا ضليله غصونها=قفى ورقها بعـد ماتـت عروقهـا


وسـلامـة نـواظـركم ,, خـالـد الـعتـيـبـي .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[هوى الغربي]

الله عليك ياخالد لاشك انها قصيدة امتعتني
شاعر جميل وبدايه موفقه يالغالي اتمنى ان لا تتوقف
استمر سيعجب الكثير بهذا الهطول
الله يعطيك العافيه

[فهد الهباش]

صج لسانك يالعتيبي
بداية رائعة وطرق هلالي مميز

نحن على موعد مع الابداع
تقييم

[سعيد الهباش]

صح لسانك ياخالد... شاعر وعذب ...الله يعطيك العافية

[فهد ثامر البقمي]

الله الله
صح السانك يالعتيبي ولا هنت جزله وطيبه
أبدعت وأمتعت

تقبل تحيات اخوك فهد

[خالد العبيريد]

اقتباس المشاركة الأصلية كتبت بواسطة هوى الغربي الله عليك ياخالد لاشك انها قصيدة امتعتني شاعر جميل وبدايه موفقه يالغالي اتمنى ان لا تتوقف استمر سيعجب الكثير بهذا الهطول الله يعطيك العافيه

حياك الله هوى الغربي ,,

صح الله بدنك وصح كلك ولاهنت على الحضور المضئ .

[خالد العبيريد]

اقتباس المشاركة الأصلية كتبت بواسطة فهد الهباش صج لسانك يالعتيبي بداية رائعة وطرق هلالي مميز نحن على موعد مع الابداع تقييم

حياك الله سعد الهباش ,,

صح الله بدنك وصح كلك ولاهنت على الحضور المضئ ,,

كل الابداع حضورك ياغالي تحياتي لك .

[خالد العبيريد]

اقتباس المشاركة الأصلية كتبت بواسطة سعيد الهباش صح لسانك ياخالد... شاعر وعذب ...الله يعطيك العافية

حياك الله سعيد ,,

صح الله بدنك وصح كلك ولاهنت على الحضور المضئ ,,

خالص تحياتي وتقديري .

[خالد العبيريد]

اقتباس المشاركة الأصلية كتبت بواسطة فهد ثامر البقمي الله الله صح السانك يالعتيبي ولا هنت جزله وطيبه أبدعت وأمتعت تقبل تحيات اخوك فهد

حياك الله فهد البقمي ,,

صح الله بدنك ولاهنت الطيب كله حضورك المضئ ,,

خالص تحياتي وتقديري لك .

[سعيد محمد القحطاني]

اصاحب الطيب وشاهر بصحبتـه=الي علـى روس المعالـي يفوقهـا

حر ٍ شهر بالمرجله مـن جـدوده=ماضيع اسلوم الرجـال وحقوقهـا
كفو كفو
خالد صح لسانك ي غالي قصيده جزله
من شاعر جزل بسلام عليك تقبل تحيات
وتقدير اخوك سعيد والاهنت