ماهي غريبة !

[رشيد]

.

الطيب لاهل الطيب ماهو كليفي
يسهل عليهم لو طروقه صعيبه
.
رجالهم دايم جنابه مريفي
وفي كل يوم يطيب ويزيد طيبه
.
والا الردي عايش بحالٍ كسيفي
الراس خاوي والهقاوي قريبه
.
يروح عمره بين بوقٍ وزيفي
ويموت ما حاز النعم من نصيبه
.
لو صاحب الاشراف ما هو شريفي
يلحقه من دنياه شكٍ وريبه
.
ولو قال ماله بالخلايق وصيفي
لابد ما يكشف لك الوقت عيبه
.
يغرك بشكله وعقله خفيفي
وكلمه تودي به وكلمه تجيبه
.
وينعاف عمرٍ للمراجل معيفي
وان غاب ينسى وان حضر ما دريبه
.
ومن الغريب انه يطيب الضعيفي
واليا تردى قيل ما هي غريبه

.

اسم القصيده وقائلها :
" ماهي غريبة ! "

الشاعر - خليل بن هدلان

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[هايدي الحلوه]

هلابك مليوون
رشيد
وصح لسسسان شاااعرها ولا هان ناقلها

ويشششرفني اكون الفيرست

[قـاصد كـريم]

صح ذوقك يارشيد

حكيمه القصيده

صح لسان الشاعر

يسعدني اني اكون السكند في موضوعك


لاهنت ++

[غراااام نجد]

اختيار جميييل رشيد ربي يعطيييك العافييه .. لك ودي ..

[هوى الغربي]

رائع بكل ما تحتويه أهنيك على هذا لاختيار
والشاعر بن هدلان شاعر يمتلك نصوص فاخره
اشكرك بعنف على هذا الجمال .الله يعطيك العافيه

[رشيد]

شاكر لكم احبتي وممنون

صح لسان شاعرها ولاهنتم
اسعدتموني بردودكم ربي يسعدكم

[نديب]

صح الله لسان الشاعر خليل ولاهنت أخوي رشيد ع الإنتقاء الرائع

[الماسـه]

صح لسآنه الشآعر
قصيده رووعه
تسلم رشيد ذوقك غير
الله يحفظك يآرب