زلّة رفيقي

[رشيد]

زلّة رفيقي

****************
الشاعر/ صالح محمد العنزي

.

يا صاحبي مسموح لاخانك الشوف

لو كان ضلع طويق ماهوب خافي
.
ماني ضعيف ولا تحيزمت بضعوف
والحمد لله مشلح العز ضافي
.
كم لاح قدّامي عراقيل وصدوف
ورميتها من فضل ربي خلافي
.
وزلة رفيقي دايم تمر واتطوف
ما حاسبه عن زلته يالسنافي
.
أقول يمكن وقتها مر بظروف
وهذا الزمن طبعه يجيه اختلافي
.
رأيي ولاني في رضا الناس مكلوف
لاصار عقله مقتنع فيه كافي
.
مار العتب في سلم الاخوان مألوف
ولا يوصل الموضوع حد التجافي
.
أرض المعزّه ما على زرعها خوف
ما زارها ركب السنين العجافي
.
ويا صانع المعروف تجزى بمعروف
ما يجحد المعروف يا كود هافي
.
اسمك من القاموس ما هو بمحذوف
ومراكبك ما غادرت عن ضفافي
.
لكن أبرسم لك على أوراقي حروف
مشاعرٍ رتّبتها بالقوافي
.
والسمع ما يطرب على كل معزوف
ولا يعجب العينين كل ما يشافي
.
وصدري كتابٍ للقريبين مكشوف
والقلب مع كل المحبين صافي
.
أفرح بجيتهم ليا حلّوا ضيوف
وأنا لهم مخلص وصادق ووافي
.
هذا حسب وصفي وكلٍ له وصوف
والله هو اللي مطّلع بالخوافي

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[هايدي الحلوه]

ماني ضعيف ولا تحيزمت بضعوف
والحمد لله مشلح العز ضافي
.
كم لاح قدّامي عراقيل وصدوف
ورميتها من فضل ربي خلافي

الله الله
صح لسسان شششاعرها ولا هاااان ناقلهاااا
تسسلم اناملك ع هييك نقل اخوووي رشيد
تقبل مروري

[نديب]

وزلة رفيقي دايم تمر واتطوف
ما حاسبه عن زلته يالسنافي
.
أقول يمكن وقتها مر بظروف
وهذا الزمن طبعه يجيه اختلافي
.
رأيي ولاني في رضا الناس مكلوف
لاصار عقله مقتنع فيه كافي



لاهنت أخوي رشيد

وصح الله لسان الشاعر

[رشيد]

.



الله يحلي ايامكم ولياليكم



وشكرا على ردكم اللي اسعدني

ربي يسعدكم دنيا وآخرهـ


.

[اغليك يابن فطيس من مغليك]

صح الله لسان شاعرها ولاهان من نقلها
احترررامي

[الماسـه]

صح لسآنه محمد
روووعه الابيآت
تسلم رشيد ذوقك غير
الله يحفظك يآرب

[سعيد محمد القحطاني]

يسلم شاعرها وناقلها قصيده طيبه
مشكور على اختيارك وذوقك لاهنت

[محمد الوريكي]

لاهنت ذوق راقي
اختيار موفق

[غراااام نجد]

صح لساان شااعرها ولاهنت ع الطرح الراائع .. لك ودي ..