اغيب وابعد .........

[ضامي الشوق]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
.................................................. .................

اغيب وابعد وانشغل واحاول انسى مانسيـت
ماتنسى ذكرى الشهور اللي معـك قضيتهـا

حاولت كم مرة وكـم مـرة ولكـن ماقويـت
حتى لو ان ذكراك مامـرت علـي مريتهـا

ان كان عندك حل قلي سو كيت وسو كيـت
في ذمتـي ماعـاد بـه سـواه ماسويتهـا

وشلون وانا كل ماتطري علي مـت وحييـت
لو أن معي قـدرة علـى نسيانهـا نسيتهـا

بغيت احب ايمينك الليله وخفتـك واستحيـت
لولا الحيا والخوف خذت ايمينـك وحبيتهـا

ابك انت مستولي على قلبي وعقلي كمبليـت
تقـول كنهـا نامـت بحبـك ولا صحيتهـا

حتى القصيد اكتب وتطلع صورتك في كل بيت
كم من قصيدة فيك لا عـد الشعـر عديتهـا

ماهو بسيط فراق من بنيت حبه بنـي بيـت
مرتاح من صبك لسيسانـه ومـن تثبيتهـا

ويروح في لمح البصر ويضيع منك مابنيـت
وسود الليالي عقب بيتك تدخلك فـي بيتهـا

وان قلت هذا واقعي رضيـت ولا مارضيـت
ياليت نفسي تقتنـع باللـي حصـل ياليتهـا

من حظي العاثر تخيّرت ابعد الناس وهويـت
والوقت قاسي والسنيـن العـوج ماهميتهـا

ياليت عندي علم وش بيصير لي ولا ياليـت
ثنيـت رجلـي مـن بدايتهـا ولا عنيتـهـا

قلي وش آنا مستفيد من الفراق ووش لقيت
غير المشاكل والهموم اللـي علـي جريتهـا

ولا تعال انشدك وش خليت عندي ماخذيـت
حتـى السعـادة خذتهـا منـي ولا رديتهـا

ماعاد باقي كود نار جمرهـا منـه اكتويـت
وان شفتها بتموت ويموت الجمـر كريتهـا

وانا احسبنها سالفة خلصت منهـا وانتهيـت
وارتحت من كثرة عناهـا واثرنـي بديتهـا

ذبحت نفسي وبيدي حفرت قبـري مادريـت
وجروح صدري كلها مـن خنجـري لقيتهـا

وتبغاني انسى؟ والله ان اموت وانا مانسيـت
ماتنسى ذكرى الشهور اللي معـك قضيتهـا

محبتك بتعيش في صدري وتبقـى مابقيـت
فالقلب زارعها ومـن دم العـروق اسقيتهـاٍ

 

 

 

 

 

 

 

 

توقيع : ضامي الشوق

[هايدي الحلوه]

ابك انت مستولي على قلبي وعقلي كمبليـت
تقـول كنهـا نامـت بحبـك ولا صحيتهـا

حتى القصيد اكتب وتطلع صورتك في كل بيت
كم من قصيدة فيك لا عـد الشعـر عديتهـا

الله الله
ابدااااااع وررربي
تسسلم اناملك ع هالقصيده الرائعه
ويشرررفني اكووون الفيرست بموووظوووعك

[ماجد الشيباني]

تسلم يمينك ضامي الشوق
على القصيدة الراقية بكلماتها ومعانيها الرائعة
تحيااتي

[مشاعر مجروحه]

ربي يسلمك ضامي الشوق
صووت واقصيده تدخل القلب من جواته
يسسسسلمو اخوي

[بسمة غزل]

الله روووعه يعطيكـ العآفيه ..

[مجازفف]

جعل والديك في جنات النعيم ....

وين سريت علينا ......

فاخره ......
لك أحلى تحية ___ +++++

[هايمه في ابن فطيس]

ماهو بسيط فراق من بنيت حبه بنـي بيـت
مرتاح من صبك لسيسانـه ومـن تثبيتهـا

ويروح في لمح البصر ويضيع منك مابنيـت
وسود الليالي عقب بيتك تدخلك فـي بيتهـا

قصيده فاقت الوصف ابيات مخمليه راااقيه كرقيك ,,,,

(لمست ما بداخلي )

[الماسـه]

ماشآء الله ابدااااع
تسلم ضآمي ذوق رائع
الله يحفظك يآرب

[العنيدهـــــ]

تسلم اخوي ضامي
يعطيك العافيه على الذوق الرفيه
تحياتي

[ضامي الشوق]

اقتباس المشاركة الأصلية كتبت بواسطة هايدي الحلوه ابك انت مستولي على قلبي وعقلي كمبليـت تقـول كنهـا نامـت بحبـك ولا صحيتهـا حتى القصيد اكتب وتطلع صورتك في كل بيت كم من قصيدة فيك لا عـد الشعـر عديتهـا الله الله ابدااااااع وررربي تسسلم اناملك ع هالقصيده الرائعه ويشرررفني اكووون الفيرست بموووظوووعك

تسلم خيتو

على المرور العطر

اسعدني مرورك

دمتي بخير

احترامي