كل مانسيتكـ عود القلب يطريكـ .. ؟

[شمووخ بدويه..]

صباحكم شعر ...

كل مانسيتك عود القلـب يطريـك

وكل ماذكرت عزم القلـب ينسـاك

يعني كذا والا كذا صرت اعانيـك ؟

ميت على وصلك وميـت بفرقـاك

مدري علامي كل ماسمـع اساميـك

يزيد نبضي كـل ماسمـع بطريـاك

ويصيح جرح ٍ في معاليـق ترجيـك

وطفل ٍ بصدري من بقايـا خطايـاك

يقول لك ليه وش جـاك وش فيـك

وانتي غريبة طبع ماقلتـي وش جـاك

لوني جرحتك كيف ؟ اقدر ارضيـك

في ذمتي لرضيك واشابـع ارضـاك

ايه اعترف لك كل كلي يناديـك ؟

والصوت ضايع كل مالصوت ناداك

ايه اعترف لك في غيابـك احاتيـك

في كل ليله داعي الشـوق ناجـاك

ايه اعترف لك من جنونك اداريـك

مجنون مثلك لكـن الـروح تهـواك

ياغاليه وانتي الـدوى بيـن اياديـك

في ضمتك تبرى جروحـي بلامـاك

في شوفتك ابطى العنى بـي يصاليـك

والشوق جايـر والمشاعـر تمنـاك

يانجمـة ٍ يضـوي سناهـا لياليـك

والصبح ياخذ من سناهـا ويزهـاك

والورد من منظـر جمالـك يماريـك

غاير وكنه يقول يـارب مااحـلاك

بس النهايه انتهـت قبـل تنهيـك

سود الليالي قبـل ماتقفـي اخطـاك

انتي تركتي قلـب مغـرم ويغليـك

وانا سكنت اطلال حبـك ومربـاك

ماقساك ياللي بعت حبك وماضيـك

وماسهلك يوم اقفيت عن قلب يهواك

وكل ماذكرتك يضحك القلب ناسيك

وكل مانسيتك يبكي القلب واطراك

لشـــــــــاعر / فيصـل بن سعــد بن مهنــــــــا

 

 

 

 

 

 

 

 

---

التعديل الأخير تم بواسطة شمووخ بدويه.. ; 01-24-2012 الساعة 09:06 AM سبب آخر: تكبير الخط