بـرد الـشـتـاء

[بنت برقا]

برد الشتاء لوكـان حـس بدفايـا
وانتي معي ماعـاد ثانـي يجينـي
يامرهفه بأحسـاس غيـم بسمايـا
اليا انحنى قوس المطـر تكتبينـي
في ثامن طيوف المطر من غلايـا
لاجيـت كلـي بالغـلا واعرفينـي
انا (الشمال) بعشقها مـن هوايـا
من طينة احساس الوفا واعشقيني
دامك معـي والكـون كلـه ورايـا
خلي يمينـك غارقـه فـي يمينـي
مااطيع فيـك بحكيهـم والوشايـا
قدرك هنا مابين رمشـي وعينـي
وليا نزلت في وسط قلبـي معايـا
عايش معي في روح وحده تبينـي
مجنون عشق وشاعرٍ فـي وفايـا
يا تاج راسـي بالغـلا واسمعينـي
انتـي مكانـك يالغـلا بالحنـايـا
بين (الضلوع العوج) اقصى اليميني
من يوم شفتك صار اسمك هوايـا
عاشقك وانتـي يالغـلا تعشقينـي
انتي بعينـي غييـر كـل الصبايـا
طفلة وتسكـن داخلـي وتحتوينـي

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات