βήŤ.. ăℓ3тђmάηّّّ~!!~!!

[(¨`•.ڰڶيـﮯ ﺷمۈڂ .•´¨)]

عزي لقلب ٍ صار همه مخاويه
متعلق ن .. لاهوب شايب ؟ ولا شاب ؟

لاقادر ن يفرح بشي ٍ يسليه
ولا قادر ن يلبس على حزنه ثياب

راعي الطموح يموت .. مادرك مناويه !
لاخاسر ن حلمه .. ولا كاسب اعجاب

لاهو فقدله شي عشان يرثيه
ولا ظفر في شي يحسب له حساب ؟

اقسى عذاب ؟؟ .. يخلي الرجل يبكيه
عــذاب ! .. لكن ! تتفق فيه الاسباب

لامن عشق حاجه ! ولاهيب في يديه !
لاصابر ن منها ... ولا عنها تاب ؟؟

الحر وافي مايخـُـون براعيه
حتى لو انه ! .. دون راعيه ينصاب

لاضاعت الهقوه تموت المشاريه
ماكنها الا ( ثلج ) في كفي و ذاب

خطاي ! .. عطيت الشنب حق يوفيه
الين ! ماشفت المره ذلت اشناب

وش عذر ؟ من صدق كلام ٍ يغذيه
لاصار منهو يدعي الصدق ؟ .. كـذاب

علمت نفسي درس ! .. ماني بناسيه
ماقيل لي ولا حفظته من كتاب

لاحدني وقتي على شي مابيه
اعز نفسي ومنة الناس بتراب

الله يرجع كل غالي لغاليه
والله يرد الشمل مابين الاحباب

اللي يبي الفرقا ! .. عسى الله يهنيه
ماني ورا المقفي مطارد وطلاب

لو كل من قفى ! بتبع خطاويه
مافارقت عيني مواليف واصحاب !

ياصاحبي .. ماعاد لي شي اداريه !
بيني وبينك مابقت كلمة عتاب

واللي يحز بخاطري ! .. ليه احاتيه !
ماهوب يستاهل شقا وحرقة اعصاب

الظن لامن خاب ! .. لاتقول لي : ليه ؟
وش فايدة ؟ .. تفهيمك الظن لاخاب

كنت احسبك ( بستان ) محدن يجي فيه
واثرك ( محل ٍ ) ينبنى فوقه اطناب

امـووووت ضامي ! .. واحضن ( الهم ) واخفيه
ولا آرد ( المـا ) .. لاشربت منه كلاب

لـو كـل شـي بـخاطـري ,, رحـت اسـويـه !
وش عـاد ابـسـوي .. اذا خـاطـري طـاب ؟