أبيّن البسمه وانا عارف الحال

[ابونواف التميمي]

مصافحة بعد غيبه اتمنى ان تقبلوها كما جاءت



أبيّن البسمه وانا عارف الحال
واقول للي ينشد الحال / طيّب

امحال ثم امحال ومحال ومحال
آبيّـــن اللي داخلـــي / للقريّــب

الله يسامح من على وجنته خال
اقفى وخلاني طريحن / معيّـــب

عز الله اني بعدهمْ ضايق البـال
لنّه بدون اسباب عنّي / تغيّــب

هذي فجيعه لو تجي اي رجــال
والله تشوف الراس منها مشيّب

اقفايــة الغالين يا طيّب الفـــال
اتخيّب اللـي هقوتـه ما / تخيّب

طوّلت آحاتي قصتي والعنا طال
يا من يوصّــل قصتي للحبيّـب


..

بونواف التميمي

لمن عبر متصفحي

 

 

 

 

 

 

 

 

[فيصل بن عبدالعزيز]

ابو نواف .. شاعر كبير يعجز القلم عن التعبير عن هذا المخزون الشعري الكبير .. لله درك يالقرم .. صح لسانك مدد لا عدد .. قصيده امتعتني بهاا واثلجت صدري بعد فترة غياب .. ومن يذكر قصيدتك وشطر بيتك ..( قامت شياطين التميمي ترني ) الله الله .. بصراحه لا املك حروفاً سحريه لكي اعبر بها وتليق بما تخطه لنا .. تقبل مروري المتواضع واعجابي الشديد بمعرفك .. لك تحيه طاهره كطهرك

[عيوني حزينه]

الله الله يابو نواف


قصيده عظيمه يابو نواف


صح لسانك ولاهنت يالقرم


لك تحيه

[ناصر الشريف]

ابو نواف حياك الله

ومن طول الغيبات جاب الغنايم وعلى ما اعتقد الاخ فيصل لم يترك لنا

مجال للتعليق فلا يسعني بعد تعليقه الا ان اقول صح لسانك يالقرم

والله لايهينك على هذا النص الرائع تقبل تحياتي وخالص تقديري

[عيد ابن دمخه]

ابو نواف هم حاطينك اهلل امنتدى شاعر

عشان كذا مايحتاج اقول انك شاعر انا بغير وبقول انت بحر

وصح الله لسانك على الجزاله

[أمير الشريف]

صح لسانك يابو نواف .. شاعر مبدع واحاسيسك وصلت للقلوب .. كتبت فأبدعت .. اهنيك على قلمك .. لك من كل الود والتحايا ياشاعرنا الفذ .. اخوك أمير لشريف

[العيون السود]

امحال ثم امحال ومحال ومحال
آبيّـــن اللي داخلـــي / للقريّــب

" ابو نواف "
صح الله لسانك ولاهنت .
احترامي

[ألاداره]

أبو نوآف..آلله ما اجمل إحساسك هنا..
بصرآحه كتبت شيء يعوُضنا عن غيابك


لاهان قلمَك..وصح لسانك

[البرنس السعودي]

امحال ثم امحال ومحال ومحال
آبيّـــن اللي داخلـــي / للقريّــب

ابونواف التميمي

صح لسانك ولا هنت على القصيده الاكثر من رائعه

مميز وممتع لاعدمنا جديدك

تحياااااااااااتي

[نايف الشمري]

... ابو نواف التميمي ...


ااالله ااالله ااالله عليك يالجزل


صح الله لسانك يالذيب مبدع مبدع لاعدمتك

تقبل مروري تحيه لك