مختارات مجازف &** النصيه **&%

رد: مختارات مجازف &** النصيه **&%

ليه حلمي حدوده في حدود المنام
وليه ااماني حياتي دايمن ذالفه

وليه لاجيت ادور في برادك مقام
طوحتبي رياح الوقت في سالفه

ليه لا قلت احبك كني انطق ملام
كن حدبك عن دروب الغلا حالفه

كان درب الهوى صوبك عليه حرام
علميني وانا بعزومي اخالفه

جاوبيني ترى ماني على مايرام
وارحميني ترى اعصابي غدت تالفه

اكره الدرب لا منه كساه الظلام
لو ركاب الليالي جاتني دالفه

واعرف ان التطفل فيه قل احترام
والعهود الجديدة تتبع السالفه

لا يطول الفراق ولا يشح الكلام
بينيلي ترى النيات متزالفه

والله انك عزيزة لك بقلبي مقام
كم ترقبت وقتك والوعد صالفه

يا عيون الوضيحي ياهديل الحمام
يارقبة المهاة الحرة الكالفه

يا رجاح العقل يا موطن الاحترام
يا ندى كل ورده للندى موالفه

يا ذبول الجهل يانشوة الاحتكام
احتويني ترى اعصابي غدت تالفه

المصدر: الملتقى الجماهيري للشاعر محمد بن فطيس المري