 |
 |
 |
منذ /11-16-2011, 12:28 AM
|
#1 | |||||||||
|
من قصائد ابوي
السلام عليكم ورحمة الله وبراكاته اسعد الله اوقاتكم بكل خير هذي القصيده لـ ابوي طول الله عمره مناسبة القصيدة / أن الوالد حفظه الله وجد عقاب مكسورً جناحه في مكان بر ولا يستطيع أن يطير ويدلي عليه غراب لان العقاب طاحت هيبته فقال هذه القصيدة 0 ياعقاب ياللي تسحب الريش مكسور=عقب الطرب يلعب عليك الغرابي يدلي عليك محرث المرح والدور=يوم شاف عجزك وإمتحان الصوابي واليوم ماتقوا على صيد عصفور=والطير والله ماحسب لك احسابي هواك حومات السماء وانت مقهور=وفارقت جوك والطوال النوابي وأنته على ريشن على الأرض منثور=حزين لاكن طاح والعظم عابي ولا جابرن نفسك ولانته مجبور=وقربك عشاء لمشوكات النيابي تلبد ملابيد الرخم جاحر الغور=ومن كثر ماتمشي دمرت الحرابي والله من يومن خذيت الفضاء دور=بين الهضاب وبين مجرى السحابي واليوم أشوفك في مخاميل واحفور=وقعت من عقب الرفاع الجنابي دنين بها ياعقاب ماطال مقصور=وياما كلت ياعقاب راسن صحابي شرسه ليا جارت يجي جورها جور=منها رضيع الديد ياعقاب شابي وقدمك كلت ياعقاب فكاكت الخور=راحوا طبيعه مع هيال الترابي وايامهم من دونها مرت أعصور=واخبارهم ماثر عليها الدوابي وقبارهم ياعقاب بالقبر مقبور=والكل واعماله نهار الحسابي المسلم المومن مبشر ومسرور=والكافر المشرك يصال العذابي يومن به الشيطان خايب ومدحور=اليا وصل ميعاد حرم الثوابي وكلن لقاء ماضيه باللوح محصور=عارين مالبسو لباس الثيابي الوزن بالميزان والشبر مشبور=ويندم على ماضيه عفن الزهابي والحق حق وفاعل الحق ماجور=والعالم الله يوم فتش المخابي ولا أنت طير وجاهلن كل مذكور=ويعلم مصيرك خالقك يالعقابي وحالك سبب ياعقاب تصخير مصخور=شفت الرخم لعقابها ماتهابي حتى الغراب اللي تقل راس خيضور=يدلي عليك عقاب راع الخرابي عقاب دبدوبن رضع بسفل الزور=طيرن عشاه مقيلات الدبابي وأنت الخطير اللي على درب مخطور=وعليك زاد أنواع عد الذيابي ولا هو عليك اليوم والأمر مامور=والأمر للخلاق مرس الهضابي ويا عقاب معك عقبان حضربها الدور=يسوقون لاكن ماتطيع الركابي والشور عند اللي مضى مالهم شور=وحاضرك ماهو للقديم أصطحابي وأم الضناء ياعقاب طلعتبها طيور=والمرمره سدت مسد الذرابي حبرونها مغوار وعقابها ذور=وهذا الزمن ياعقاب سوى أنقلابي والحق ماجودن يشاهد وماثور=بيوته على عمدانها راس نابي مبني ويبناء بناه وينور السور=أشعاره علمنا والسيوف الحدابي والفضل للي سقط الظلم بالنور=هو ناصر الأسلام جال الضبابي وميزان حق وناصر الحق مشكور=من خص خلاقه عليه المنابي هذا وعلى داعيه لغيابها احضور=من صح ماهو ميضحان السرابي والهرج له سبار والسبر مسبور=ومنافقينه بالقلوب ألتهابي وعندي خبر عن دايج الهرج مدمور=دوار زلات الملا كل هابي واسكر المنفذ على كل محذور=قولن على داعيه واضح واجابي ماهي قواف المدعي كل هاذور=اللي نقص ماقال وزن الأدابي وحال الكسير أحضار قافي على الفور=ومن الله على هداج عذب الشرابي وتم الجواب اللي على الصح مزرور=جانن ثمر ماطاب من ذوب ذابي والعرف يلقى عن لقاء العسر ميسور=ومجرب الدنياء مشاها أنسيابي وسلامتكم
|
|||||||||
|
 |
 |
|
|
|
|
|
منذ /11-16-2011, 01:22 AM
|
#2 | |||||||||
|
رد: من قصائد ابوي
انا اشهد انها جزله من جزل لاهنت على الايراد الجميل تقبل مروري
|
|||||||||
|
|
|
|
|
|
|
|
|
|
منذ /11-16-2011, 02:11 AM
|
#3 | |||||||||||||||||||||||||||||||||||||||||||||||||||||||
|
رد: من قصائد ابوي
صح بدنك تسلم اخوي قاصد شاكر لك مرورك المنير دمت بخيير
|
|||||||||||||||||||||||||||||||||||||||||||||||||||||||
|
|
|
|
|
|
|
|
|
|
منذ /11-17-2011, 01:05 AM
|
#4 | |||||||||||
|
رد: من قصائد ابوي
لآعدمنـآآآك ** والله يطووول بعمر ابووووك تحيآآآآتي لك ...
|
|||||||||||
|
|
|
|
|
|
|
|
|
|
منذ /11-17-2011, 04:29 AM
|
#5 | |||||||||||||||||||||||||||||||||||||||||||||||||||||||
|
رد: من قصائد ابوي
صح بدنك اختي نوادر شاكر لك مرورك مشكوره
|
|||||||||||||||||||||||||||||||||||||||||||||||||||||||
|
|
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 03:12 AM
