هاجس الطيب

[عبدالله بن طلال]

تواصليه .. ارتجاليه
ارجوا تمريرها عبر ذوائقكم الراقيه

[poem=font="simplified arabic,6,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحضرة المأمور/ يا هاجس الطّيب = عليك /ابا آمر /بالرضاء والغصيبه!
خذني معك في نايفات المراقيب = ما /عاد/ يكفيني .. سنام النجيبه
الحر مال احدن براسه مطاليب = والنجم ما احدن يردعه عن مغيبه
طابت لنا بعض البكار الرعابيب = مير الزمن /له/ بين الاحباب غِيبه
ولولا مقادير اللحا والاشانيب = بعنا مجاهيم الليال ب زبيبه!
ياحضرة المأمور لاتجرح الذيب = الذيب /جرحه/ دون قتله مصيبه!
أما إتركه يِرثع بحرش العراقيب = او /إرتبع/ لاقمت تسمع قنيبه
و يا من لقلبٍ فيه مثل اللواهيب = ويا من لعينٍ من نظرها كئيبه؟
دارت بي الدنيا على مركب الغيب = وانا احسِب الدنيا /حبيبه/ لبيبه
وأثر الزمن كاذب ومن غير تكذيب = يلعب على العالم بكَذْبه غريبه
و يا هاجسي .. نيشن على اللوح وتصيب = رصاصتك تعمل جروحٍ عطيبه
وانا ليا نيشنت لو ساعة إمغيب = تصويبتي تقصم ضلوع الضريبه
ماني معوّدها على الذلّ والعيب = ومدحي لنفسي صِدْق ..والكذب خيبه![/poem]

 

 

 

 

 

 

 

 

[مشعل بن ردمان الحربي]

صح لسانك

وتسلم يمينك

الله يعطيك العافيه

جزله من شاعر جزل

تحياتي لك

[سلطان المري]

ياسلام سلااام

ابدعت وتفننت ياجزل قصيده لها مذاق خاص

شاعر كبير يابو طلال ولا تحرمنا المزيد

[حسين كرعل الوايلي]

الاخ عبدالله صح لسانك قصيده وافيه من شاعر وافي

الف لاهنت ودمت بخير

[رائد العصيمي]

اقتباس وانا ليـا نيشنـت لـو ساعـة إمغيـب تصويبتـي تقصـم ضلـوع الضريـبـه مانـي معوّدهـا علـى الـذلّ والعـيـب ومدحي لنفسي صِدْق ..والكـذب خيبـه!

والله ونعم وكفو

صح لسانك

[عاليه]

صح لسانك
عذب بما قدمت
الف شكر على الابيات القمه