تركني حايرٍ والقلب بعد حيران

[المـهآ]

اقول عن ذاك اللي تعب القلب من كان
يا زين وصفه ويا حسن قريبه

ان كان هذا بشر فمابو انسان
يجمع صفاته من رقه وطيبه

والهداوه والنقاوه والخلق عنوان
والزين انه ما بي شيٍ يعيبه

تركني حايرٍ والقلب بعد حيران
وان احاول اوصفه لكن ما اجيبه

واجلس طول اليوم قاعدٍ مانا بنعسان
افكر شلون بسهمي اصيبه

ترى هو ثقيل ما هو بخفان
كانه مشفر قلبه شفره صعيبه

ياريت اعرفله رمز او عنوان
واصبر قلبي واقول هذا نصيبه

وان كنت انا شفت من الحب الوان
يشهد علي ربي من يوم شفته اهذي به

وما تكلمت مع انسٍ ولا جان
ومن يومها وهذا قلبي افديه به

ومن زود حيرتي اقول هذا انا حلمان
واللي يفسر حلمي ياخذ اللي يريده

ان كان ياخذ ذهب او مرجان
اللي يفسر لو من الصين اجيبه

ياليته كان حلم او كان ما كان
ويا ليتك تعرف ان اشواقي لك رهيبه

واسلم عليك وين ما كنت ولهان
والله يصبرني لحين التقي به

 

 

 

 

 

 

 

 

[زيـزو]

يسلمووو مها عالقصيده

حبّيت اسألك سؤال .. إنتي تقربين لـ بنت أبوي !!

[المـهآ]

اقتباس المشاركة الأصلية كتبت بواسطة زيـزو يسلمووو مها عالقصيده حبّيت اسألك سؤال .. إنتي تقربين لـ بنت أبوي !!

الله يسلمك

بنت أبوي صديقة الرووح من ايام الطفوله

[صبيه من بين الصبايا]

يـعطيش العافيه قلبو

[المـهآ]

اقتباس المشاركة الأصلية كتبت بواسطة صبيه من بين الصبايا يـعطيش العافيه قلبو

الله يعافيك

[الماسـه]

تسلمي قلبي
روووعه الله يحفظك يارب

[المـهآ]

اقتباس المشاركة الأصلية كتبت بواسطة الماسـه تسلمي قلبي روووعه الله يحفظك يارب

ويحفظك حبيبتي

[.. [ آلورد ] ..]

سلمت الأيادي

[المـهآ]

اقتباس المشاركة الأصلية كتبت بواسطة .. [ آلورد ] .. سلمت الأيادي

الله يسلمك