يصبر على طمرها

[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=0 align=center use=sp num="0,black""]
ما يهوز الصبد غير اللي جنافه ضافي=يرتقي للنايفات ويرتعي ندرها

والرجال اجناس وين الصافي المتعافي=والعرب لا بد ما نرضي لها خطرها

جيت وانا اقول يا الله يالعظيم الكافي=اكفنا شر الفتن واحجب لنا صبرها

التحف بالشعر والعفه والف لحافي=وانتخي بحروفي الجزله واضع غبرها

يا جماعه لا تلومو ناصر الاشرافي=والعرب ما يشرهون الا على كبرها

والله اني ما هضمت اليوم حق سنافي=لكن الهاجس كضم غيضه علي ثم ارها

والشجر ما ترجم ان كانت هزال ضعافي=والمثل معروف ما يرجم سوا ثمرها

قلبي ابيض والنقى في داخله شفافي=يا شجرت التوت لا تجني على سمرها

لا بغيت انقد على نفسي نسيت اطرافي=نفسي اللي كل سيه والخطا ومرها

هذي اصناف الكلام ومنتهى سولافي=من طمر فوق العرب يصبر على طمرها
[/poem]

 

 

 

 

 

 

 

 

[شآسع المري]

جزل ومتمكن

ولله يصح اللسانك يالقرم

[الصقرالجارح]

ناصرالشريف
الله الله عليك وصح الله السانك قصيده جزله من جزاله راعيها وهذا ناصر اللي نعرف اللي يقدر ربعه وهذا الاعتذار بالقصيده ان شاء الله انه كافي للجميع وبالنسبه لي ياناصر معذور عقب القصيده الجزله واتمنى من اخي ناصر ان لاتتكرر
ودي وخالص تقديري

[ناصر الشريف]

شاسع المري شهاده اعتز بها

والله يصح بدنك يا ذيب لا هنت على المرور

وتقبل تحياتي وخالص تقديري

[فهد الهباش]

والشجر ما ترجم ان كانت هزال ضعافي
والمثـل معـروف مـا يرجـم سـوا ثمرهـا
صح لسانك ناصر...

مررت من هنآ،،

[الماسـه]

صــح لسانكـ ناصر
وتسلم الله يحفظك يارب

[هوجاس]

الله اكبر ياناصر صح الله لساننك

[شبل العيادين]

صح لسانك يالقرم وبيض الله وجهك

مبدع وجزل وافكارك خياليه

[حسين كرعل الوايلي]

هذي اصناف الكلام ومنتهى سولافي
من طمر فوق العرب يصبر على طمرها


انا اشهد اللي يصبر على طمرها
صح السانك يا ناصر كما عهدناك شاعر مواقف

دمت بخير

[ناصر الشريف]

الصقر الجارح صح بدنك ولا هنت على المرور

وتسلم على الاطراء تقبل تحياتي وخالص تقديري