يا ضيقة الصدر وش باقي على بكره

[بـنت أبـوي]

لـ الشاعر المبدع ( حمد السعيد )


**

يا ضيقة الصدر وش باقي على بكره
يا طول الساعتين وطول غربالي ..

الليل كله وانا فكره ورى فكره
ومن دلة الهم ماهزيت فنجالي ..

ما كنت أضن الحبيب اليآ عشق يكره
الين جربت فرقا اللي شغل بالي ..

اثر الجفا موت مثل الموت له سكره
يالله لاتقطع الغالي من الغالي ..

من يوم قفا وانا للموت ابفتكره
والله ليبطي بقلبي منزله خالي ..

الطير لامن غدآ ما عاض به وكره
يقضي وفعله مع المده يورالي ..

لا صار فعل وغلا بالقلب محتكره
في ضيقته يآخذ الأول مع التالي ..

قد قالوا الطير يا وفيه يانكره
واقول نكاره العشره بروا حالي ..

ارجع لموضوعنا السابق على فكره
ماني بأنا اللي مفارق بس بلحالي ..

البعد سم البشر ماني بمبتكره
عزي لمن جرب الفرقا وعزالي ..

هذا الجفا موت ومثل الموت له سكره
يالله لاتقطع الغالي من الغالي ..

 

 

 

 

 

 

 

 

توقيع : بـنت أبـوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *استغفراللّه

[عاليه]

ررررروعه من جد ابداااع

وكلمات فيها احساااس
ربي يحفظك
ننتظر ابداعاااتك القادمه

[هداج]

هذا الجفا موت ومثل الموت له سكره

الله الله
سلمت يمينك على الاختياااار الرااااااائع
تحياتي لك

[بـنت أبـوي]

الله يسلمكم

منوريين يالغوآلي

[احساس شاعر&]

ياخي انااا قايل لكم هاذي مبدعه ومتميزهـ

تسلم يمينك يا راقيه بذوقك الرفيع

[بـنت أبـوي]

اقتباس المشاركة الأصلية كتبت بواسطة احساس شاعر& ياخي انااا قايل لكم هاذي مبدعه ومتميزهـ تسلم يمينك يا راقيه بذوقك الرفيع

مو للدرجه هذي

الله يسلمك يالطيب ..