وحتى لو رأسك شامخٍ كالنايفات ش عاد

[بنت برقا]

سقى البيداء اللي توطاها رجولك وابلٍ رعاد..
....................بكل خطوة تدوسينه يجيه المزن ويعله

عيوني ليش ساكت شف غموض السالفة يزداد..
....................... ألا ياهم وش جابك دخيلك خلني وخله..

على شاطئ الأمل تنزف عيوني من أرقها سهاد..
...................سبب من تلتل عروقي وأسرف حيل في تله..

على ذيك الدروب المقفرة وردوا الوراد ..
........................ورى الجادل اللي ياصل الأرض لا فله..

بكل نياتنا البيضا نعاملهم كما المعتاد..
...................... وفجأة تاهت الخطوة وتاه الدربٍ من دله..

وحتى لو رأسك شامخٍ كالنايفات ش عاد..
.......................تحطم يالشموخ الضبي جابك لعنبو دله..

دخياك أطلبك عطفك وهجرك قبلنا من فاد..
...................حرام أللي بدر منك يجي من خلـ (ن) لخله..

تراها كلمتين بقولها لك بلاش عناد..
..................ترى بقرح بك أكثر من بدويٍ لاقيـ (ن) بله..

ياقلبي تاه في الماضي علوم الناقة أم شداد..
.....................وتلاشى الفارس المغوار ولابه شبر يحتله..

ترانا في عصر آخر غصيبة لعصرنا نعتاد
.....................وإذا بتعيش في الماضي ترى ماعاد له مله

صفى الجو لحظة ثم تعكر وصرنا أضداد
........................أكيد إن الخطاء وارد طلبتك خلنا نحله ..

عطيت الساعي المكتوب وقال ممنوع يا نشاد..
....................... وعزم للرحيل الشوق وراسي فوق ما ذله..

بقلم :عابر

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات