تبغي تضيق خاطري جعلـه فـداك ؟؟

[الع ـابــر]

[ALIGN=CENTER][TABLETEXT="width:70%;background-color:silver;"][CELL="filter:;"][ALIGN=center]

بافارقك .. لو كان ما اختـرك فرقـاك.

..بافارقك .. وآنـا في رجـوى وصالـك

البعد لو به خير مـا كـان خـلاك ؟؟.

...تقطع مـن عيـون المحـب اتصالـك

ما اكثرك فالصده وفالوصل ما اشـواك.

...الكبر لله .. ( لا يغـرك جمالـك ) !!

خليتنـي للبعـد .. والبـعـد قـسّـاك..

..خلاك تنسى واحـد" قـد وفـا لـك ؟؟

سليت سيف الهجر ؟؟ كني من اعـداك.

....وذبحت شوق الروح شاللي جـرى لـك

العام مـا تصعـب الـى قلـت بلقـاك

.....واليوم من دون المواصيـل هالـك ؟؟

منت بردي .. حسبي على الوقت ردّاك

.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟.

....لا جيت ابنسى .. ذيب صدري عوى لك

لو انك بترجـع كثـر مـا آتمنـاك ؟؟.

....ما كان ذا حالـي .. ولا ذا بحالـك ؟؟

كثر الجفا وآنـا أستغفـر الله اشـراك

....حبك كفر بي .. لعنبو من صفـا لـك

خذاك مني البعـد مـا عـاد بقـاك ؟؟

.....لكن علـى قـول المثـل مـش حالـك

تدري وش اللي يقتل الشـوق يـا ذاك

....لاني بولد عمـك ولا ولـد خالـك ؟؟

الشوق برد .. ودافـي الوصـل لقيـاك.

....وثلج الجفا خـرب طريـق اللقـا لـك

علمتني حبـك .. وعلمنـي انسـاك ؟؟

.....لو كان مـن دنيـاي .. مابـه بدالـك

تبغي تضيق خاطري جعلـه فـداك ؟؟

.....مهوب انا اللـي يعاتبـك فـي حلالـك

طلبتني قلبي وانا قلـت لـك .. جـاك.

....والحين سو بخافقـي مـا بـدا لـك ؟؟

الشاعر(حمد البريدي)

[/ALIGN][/CELL][/TABLETEXT][/ALIGN]

[ALIGN=CENTER][TABLETEXT="width:70%;background-color:silver;"][CELL="filter:;"][ALIGN=center]
[/ALIGN][/CELL][/TABLETEXT][/ALIGN]

 

 

 

 

 

 

 

 

توقيع : الع ـابــر

---

التعديل الأخير تم بواسطة الع ـابــر ; 10-13-2011 الساعة 12:20 PM

[غراااام نجد]

علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك
*****
صح لسانك يالبريدي شاعر كبير ومبدع ..

اهنيك العابر ع الذووووووق الرفييييع ربي يسلم عمرك
لك ودي ...

[محمد الوريكي]

يسلام عليك كلك ذوق
العابر تسلم على الذوق الراقي
لاهنت..
تبي تضيق خاطري جعله فداك

[علمني كيف أنساك]

علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك
قصيده رائعه صح لسان الشاعر
وتسلم يمنك يا خوي ع النقل الرائع
وننتظر دائماً الأروع
علمني كيف أنسااكـ..

[عيون المها]

صح لسان الشاعر حمد البريدي

يعطيك العافيه

[عــبــدالــعــزيــز]

تبغي تضيق خاطري جعلـه فـداك ؟؟
.....مهوب انا اللـي يعاتبـك فـي حلالـك

الله الله الله
ابيااااات
اكثر من رااااائعه
تحياااااااااااااااتي عز

[الع ـابــر]

هلا بش

غرام


... شكراً ع الأطراء الرائع .. ودي ،

[الع ـابــر]

مرحبا بك

يّ محمد

الذوق منك نتعلمه .. لا هنت ع المرور ..

[مبارك الشمري]

اختيار ذووووق ياملا العافيه ننتظر المزيد



تحياي وشكري

[حلم~]

لا هنت ي اخوي يعطيك العافيهِ