حامد زيد ...عذب القصايد

[محمد الوريكي]

عذب القصايد ..

لولا البكا ما ينشرح خاطر ولاينزاح ويل

خل الكدر يطفي سعير الليلــتين اللي خلت

.

دام العيون اليا اهملت تشفي القليل من الغليل

الله يبارك بالعيون اللي ليا ضقت اهملت

.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت
.
البارحه يوم الهموم تحط بالصدر وتشيل
والشاهد الله ماحبــست بمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو ما فزلي وده محملني جميل
اجيه برجولي عشان اشكي له الحال ؟ اكملت
.
ماكل من شافك قوي يفــرح ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال بهالزمن قلو هذيك استرجلت
.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت
.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت
.
كن الذي يجري معي يجري مع الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه رجال اللي ليا طحت جفلت

للإستماع ...
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : محمد الوريكي

---

التعديل الأخير تم بواسطة محمد الوريكي ; 09-02-2011 الساعة 03:13 AM

[غراااام نجد]

دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت
*****
اهنيييك ع ذوووووقك الرفيع محمد القصيده جداا راائعه ..
والله يعطييك العافيه ع الطرح المتمييز ..
لك كل الود والاحتراام ..

[الفلوه]

حامد زيد شاعر كبير بوصف شعره
ايها القدير
محمد الوريكى ابدعت هنا باحساسك
ونقلك المميزكلمات جدآراقيه
من شخصك الرائع
راق لى انتقاءك وسمو فكرك
متصفح انقى من الهواء واعذب من الماء
حروف طوقت بالياسمين ونسجت من ذهب
لمقامك اطواق زهر تنتثر
دمت بسعادهـ يقيم لذائقتك الجميله

[ذوووق ومنآآآوي]

ذويق يامحمد الوريكي نقل مميز تشكر عليه يالشيخ
وصح لسانه حامد..

[رهوفه الملقوفه]

صــــــــــــــــح السانـه
ومشكــــــــــورر يامحمد الله يعطيك العافيـه

[الماسـه]

ماشاء الله محمد
دائمــا اختياركـ راااااقي..
الله يحفظـــككت ياااارب

[الماسـه]

ماشاء الله محمد
دائمــا اختياركـ راااااقي..
الله يحفظـــككـ ياااارب

[محمد الوريكي]

الشكر للجميع
نورتو الصفحه بطلتكم الرائعه
لاعدمتكم

[المالكي]

تسلم لنا ذائقتك عوااافي


وحامد زيد غني عن التعريف