انتي رذاذ المطر وانتـي نسيـم السحـر

[سمـ المراجل ـو]

اسعد الله اوقاتكم بكل خيـــر

/
/
/




ياللي إذا ما بـدا وجهـك حسبتـه قمـر

حقك تنالين في ذا الليـل تـاج الجمـال

لاصار ماغير حسنك شفت حسنٍ حضـر

ماعاد في لبسك التـاج المذهـب جـدال

ان قلت ما انتي بشر قالـو الاوادم كفـر

وان قلت عنك بشر قصرت بك لا محـال

انتي رذاذ المطر وانتـي نسيـم السحـر

وانتي الغنج والهـوس والدلـع والـدلال

مليحة اوصاف هيفا قـد ضامـر خصـر

معنقـه فارعـه خجـلا صعيبـة منـال

عكشا هدب نابيـة ردفيـن فجـا نحـر

رقيقة احسـاس متزنـه حليفـة كمـال

من يشبهك يالفرج من عقب طول الصبر

ومن يشبهك يالعطا من دون ذل السـؤال

مهما وصفتك وطال الهـرج والا قصـر

تبقين للحسن معلم ينضـرب بـه مثـال

لو بس من طرفك اللي مكتسيـه الحـور

أقدر أألف قصص تفـوق اعظـم خيـال

وش عاد لا من تبسمتي وشفـت الـدرر

تلمع كما النجم في ليـلٍ جفـاه الهـلال

تموت كل القصص وتشيب كـل الصـور

وكل الحروف تغدي عندي حروف إعتلال

تباهـي وقولـي بكـل اعتـزاز وفخـر

أنا لـي الملـك والتقديـس والإبتهـال

يسيح ورد الربيع ان شم عطـر الثغـر

وتطيح عند الجمر مشالح اهـل الجـلال

ما اقول كنتي بذاك الحفـل بـدرٍ ظهـر

اقـول لـولاك مابـه طعـم للإحتـفـال

جيتي ومن ساع جيتي راح قلبـي نثـر

حاولت الملم شتاته بـس ماجـا مجـال

تناكرتني العيـوم وحلقـت بـي النظـر

وبان الذي مابغيته ينكشـف بـأي حـال

فكرت اروٌح ولكن قلـت فرصـة عمـر

البـدر مايكتمـل فالشهـر كـل الليـال

خلوني املا عيونـي لـو احـس بقهـر

واغرق مع روضها الساحر لحد الثمـال

قالو انت ميت لها فاقـول مالـي عـذر

هذي تسحب قلوب وذي تسحـب رجـال

فيها مـن الغـي مـالا يحتويـه الزهـر

وفيها من النور مايذهل بـروق الخيـال

إن سلهمت قلت ضعتي ياعروبة مصـر

وان سولفت قلت بغداد انجـلا الإحتـلال

فلت شعرها وقالت طـاب ليـل السمـر

وجات إتمايل مثل ميل الغصون الطـوال

قلت ايوه ايوه كـذا لابـو حيـاة الفقـر

مر ارفع إلها العقال ومـر احـط العقـال

تقول بسم الله الرحمـن شـارب خمـر

من جور ماشفت في ذاك الصبا من ضلال

وقفت اراقـب محاسنهـا وقلبـي جمـر

محتار مابين صدر وبيـن شفـه وخـال

صفقت للحظ ثـم وقفـت احيـي القـدر

وانا اردد علـى مسمـع هـل الاحتفـال

ياجعل من في الحفل علـى قدمهـا نـذر

لاصار مابه سواها شفـت ادنـى جمـال

 

 

 

 

 

 

 

 

توقيع : سمـ المراجل ـو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

---

التعديل الأخير تم بواسطة سمـ المراجل ـو ; 08-17-2011 الساعة 06:45 AM

[انا مجنونك]

الله صح السانك كلمات جميلة واانت اجمل

تقبل مرورررررررررررري (من الرياض)

(كان هنا)

مجنونك

[غروب الخجل]

[سمـ المراجل ـو]

انا مجنونك,,غروب الخجل


تسلمون ع المرور

[نويـــــر]

ياجعل من في الحفل علـى قدمهـا نـذر



لاصار مابه سواها شفـت ادنـى جمـال

الله الله
تستااهل هالمحبووبة من حبيبها كل شي
صحت يمناااك أخي سمو المراجل
دائما مبدع ف الإختيار


تحيتي

[سمـ المراجل ـو]

نويـــر

اسعدني مرورك وتواجدك فـ متصفحي العــطــر

[بنت الروقه]

صح لسان الشاعر
ولاهنت سمو ع الذووق الرائع

[محمد الوريكي]

تسلم على الذوق ياابو الذوق كله

راقة لي الله يعطيك العافيه

لاهنت يالغالي

[موسى ابومشهور]

لاهنت لاهنت قصيدة راقت لي وصح لسانك

[سمـ المراجل ـو]

بنت الروقه

تسلمين على المرور