حيــاك عطنـا علومــــك

اليوم وقع المحظووووور على قولتهم

صحيت من النوم الظهر نشيط ونفسيه منفتحه للشغل

رحت لقيت امي تسمع الراديو على اذاعة القرآن الكريم

سلمت عليها قالت ماشاءالله عليك اليوم صاحي من بدري وانا ( ) كني ماسمعت حاجه

هاه في شغل اليوم ؟ قالت رح لف السمبوسه ( ياهالسمبوسه اللي ماتخلص )

المهم لقيت المقادير جاهزه بس قعدت الف السمبوسه

وانا قاعد الف فتحت شريط الذكريات الجميله

ايام الطفوله يوم كنت آكل اللقيمات وهي حاره قبل تبرد

العصر كنا نلعب كوره برمضان وكل شوي يروح واحد لبيتهم ويجيب لقيمات طازه

كان الوقت شتاء وامطار ووناسه .

واذا بالصوت القادم من بعيييييييييد

صوت قطع شريط الذكريات الجميله وكسر الصمت

صوت أعرفه جيدا ؟ نعم انه صوت تردد على مسامعي مرارا .

واذا به صوت امي وهي تقول ( اخلص علينا غابت الشمس !!!

ياااااااه الوقت مر بسرعه .

المهم اخذت السمبوسه وعلى المطبخ طوالي عشان اقليها

طبعا الزيت حار وحطيت اول مجموعه ( يازين مثلثاتي وش حلاتها ) خمس حبات تقريبا

كلهم انفكوا بالزيت

وانا احركهم بالملعقه ولما ارفعها يكون فيها رواسب من الحشو اللي مالي الزيت .

فأضطر اني اروح اغسلها وارجع ألمّ الشوائب مره ثانيه عشان ماتشوفها

المهم لما حطيت الملعقه بالزيت وكانت مبلوله بالما وش اللي حصل ؟

طشّر الزيت بوجهي ( يعني اندفع بقوة نحوي ) وانا اللي أهج عنه .

قالت امي وش هالصوت ؟

قلت صوت الزيت .

قالت وش سويت فيه ؟

قلت ماسويت فيه شي بس هو مايحبني

جت المطبخ وشافت كول حاجه .

قالت : انت من اللي يحبك ؟!!!

اطلع برا المطبخ ولا اشوف وجهك الا مع الأذان .

قلت خلني أروح اتسمع الاذان احسن

وهذا اللي حصل .